సౌత్ లో తన నటనతో ప్రత్యేక గుర్తింపు తెచ్చుకున్న హీరోయిన్లలో సాయి పల్లవి (Sai Pallavi) ముందుంటుంది. గ్లామర్ షో లేకుండా తన అభినయంతో ప్రేక్షకుల్ని మెప్పించిన ఆమె, సినిమాల ఎంపిక విషయంలో ఎప్పుడూ సరికొత్త ప్రయోగాలు చేస్తుంటుంది. ఇప్పటివరకు తక్కువ రెమ్యూనరేషన్ తీసుకుంటూ, కేవలం కంటెంట్‌ను మాత్రమే ప్రాధాన్యతనిచ్చిన సాయి పల్లవి, ఇప్పుడు మాత్రం తన మార్కెట్ స్థాయికి తగినంత పారితోషికం తీసుకున్నట్లు తెలుస్తోంది. అయితే తండేల్ (Thandel) సినిమాకి ఆమె భారీ రెమ్యూనరేషన్ అందుకున్నట్లు టాలీవుడ్ వర్గాలు చెబుతున్నాయి.
గతంలో కొన్ని చిత్రాల కోసం పారితోషికాన్ని తగ్గించుకున్న సందర్భాలు ఉన్నప్పటికీ, ఇప్పుడు తండేల్ సినిమా సాయి పల్లవికి క్రేజీ ఆఫర్‌గా మారింది. ఈ చిత్రంలో నాగచైతన్య (Naga Chaitanya) సరసన నటిస్తున్న ఆమె, పూర్తిగా డిఫరెంట్ క్యారెక్టర్‌లో కనిపించనుంది. చందూ మొండేటి (Chandoo Mondeti) దర్శకత్వం వహిస్తున్న ఈ సినిమా, లవ్ యాక్షన్ థ్రిల్లర్‌గా రూపొందుతోంది. ఇప్పటికే విడుదలైన అప్డేట్‌లతో మంచి హైప్ క్రియేట్ అయ్యింది. గీతా ఆర్ట్స్ నిర్మిస్తున్న ఈ భారీ ప్రాజెక్ట్‌లో సాయి పల్లవి పాత్రకీ మంచి స్కోప్ ఉందని తెలుస్తోంది.
ఇప్పటివరకు సాయి పల్లవి ఒక సినిమాకు 2 కోట్ల లోపే పారితోషికం తీసుకున్నట్లు ఇండస్ట్రీ టాక్. కానీ తండేల్ కోసం ఆమె ఏకంగా 5 కోట్ల రెమ్యూనరేషన్ అందుకున్నట్లు తెలుస్తోంది. ఇది ఆమె కెరీర్‌లోనే అత్యధిక రెమ్యూనరేషన్ కావడం విశేషం. ఇంతవరకు మిడిల్ రేంజ్ బడ్జెట్ సినిమాల్లో ఎక్కువగా నటించిన ఆమె, ఇప్పుడు భారీ ప్రొడక్షన్ హౌస్‌లో నటించడంతో మార్కెట్ రేంజ్‌ను మరింత పెంచేలా ఉంది. సాయి పల్లవి సినిమాల ఎంపికలో చాలా జాగ్రత్తగా వ్యవహరించే నటి.
కమర్షియల్ సక్సెస్ కన్నా, కంటెంట్ బలంగా ఉండే చిత్రాలను ఎంచుకుంటుంది. గతంలో ‘పడి పడి లేచే మనసు’ (Padi Padi Leche Manasu) సినిమా కోసం తక్కువ రెమ్యూనరేషన్ తీసుకున్నట్లు వార్తలు వచ్చాయి. ఇప్పుడు తండేల్ వంటి భారీ బడ్జెట్ సినిమా చేస్తుండటంతో, ఆమె మార్కెట్‌ను గుర్తించి నిర్మాతలు హై రెమ్యూనరేషన్ ఆఫర్ చేసినట్లు తెలుస్తోంది. ఈ సినిమా తర్వాత సాయి పల్లవి మరిన్ని పాన్-ఇండియా ప్రాజెక్ట్‌లకు అప్రోచ్ అయ్యే అవకాశం ఉందని ట్రేడ్ వర్గాలు అంచనా వేస్తున్నాయి.
Home