జూన్ 16 న ‘ఆదిపురుష్’ సినిమా రిలీజ్ అయ్యింది. ప్రభాస్ హీరోగా నటించిన ఈ సినిమాకి ఓం రౌత్ దర్శకుడు. భారీ బడ్జెట్ తో టి సిరీస్ సంస్థ ఈ చిత్రాన్ని నిర్మించింది. ఈ సినిమాలో నటించిన నటీనటుల్లో ఒక్క ప్రభాస్ తప్ప.. మిగిలిన వారంతా బాలీవుడ్ కి చెందిన వాళ్ళే కావడం గమనార్హం. అయితే తొలి రోజు ఈ చిత్రానికి మిక్స్డ్ టాక్ వచ్చింది. అయినా ఓపెనింగ్స్ చాలా బాగా వచ్చాయి.
ఈ మధ్య ప్రభాస్ సినిమాలు ఓపెనింగ్స్ విషయంలో కుమ్మేస్తున్నాయి. తర్వాత స్లీపేస్తున్నాయి. ‘ఆదిపురుష్’ విషయంలో కూడా ఇదే జరిగింది. వీక్ డేస్ కి ఎంటర్ అవ్వడమే వసూళ్ళలో భారీ డ్రాప్స్ కనిపించాయి. మరీ ముఖ్యంగా ‘రామాయణం’ ని వక్రీకరించారు అంటూ దర్శకుడి పై ఓ రేంజ్లో ట్రోల్స్ వస్తుండటం మనం చూస్తూనే ఉన్నాం. ఈ చిత్రంలో రావణాసురుడు పాత్రని పోషించిన సైఫ్ అలీ ఖాన్ పాత్ర పై కూడా భారీగా ట్రోల్స్ వస్తున్నాయి.
అయితే అతను మొదటి నుండి ‘ఆదిపురుష్’ ప్రమోషన్స్ కి దూరంగా ఉన్నాడు. సోషల్ మీడియాలో కానీ, మీడియా ముఖంగా కానీ అతను ఎక్కడా కనిపించలేదు. సైలెంట్ గా ఎన్టీఆర్ ‘దేవర’ చిత్రం షూటింగ్ కోసం రెడీ అయిపోయాడు. మరో రెండు రోజుల్లో ‘దేవర’ తదుపరి షెడ్యూల్ మొదలు కానుంది. ఈ షెడ్యూల్ లో సైఫ్ అలీ ఖాన్ పై యాక్షన్ సన్నివేశాలు చిత్రీకరించనున్నాడట దర్శకుడు కొరటాల శివ.
ఈ సినిమాలో అతను (Saif Ali Khan) విలన్ గానే చేస్తున్నప్పటికీ హీరో రోల్ కి ఏమాత్రం తగ్గని విధంగా అతని పాత్ర ఉంటుందట. ‘దేవర’ కి కూడా హిందీలో మంచి బిజినెస్ జరగడానికి సైఫ్ అలీ ఖాన్ పాత్ర ఉపయోగపడుతుంది.
ఆదిపురుష్ సినిమా రివ్యూ & రేటింగ్!
‘సైతాన్’ వెబ్ సిరీస్ రివ్యూ & రేటింగ్!
కుటుంబం కోసం జీవితాన్ని త్యాగం చేసిన స్టార్ హీరోయిన్స్
Home
