సలార్ సినిమా గతేడాది చివర్లో రిలీజ్ అయ్యి సూపర్ హిట్ టాక్ ను సొంతం చేసుకుంది. వరుస ప్లాపుల్లో ఉన్న ప్రభాస్ కి ఈ మూవీ కొంత రిలీఫ్ ఇచ్చింది. షారుఖ్ ఖాన్ ‘డంకీ’ వంటి బడా సినిమాతో పోటీపడి మరీ.. రూ.650 కోట్ల వరకు గ్రాస్ ను కలెక్ట్ చేసింది. ఈ సినిమాలో ప్రభాస్ ను దర్శకుడు ప్రశాంత్ నీల్ ఓ రేంజ్లో ఎలివేట్ చేశాడు. ముఖ్యంగా సెకండ్ హాఫ్ లో వచ్చే కాటేరమ్మ ఫైట్ గూజ్ బంప్స్ తెప్పించే విధంగా ఉంటుంది. ఆ ఫైట్ లో విలన్ పక్కన ఉండే ఆంటీ అందరికీ గుర్తుండే ఉంటుంది.
‘రెండు నిమిషాలు బావా దొరసానిలా తయారుచేస్తాను’ అంటూ ఆమె డైలాగ్ పలికితే చివర్లో ‘రెండు నిమిషాలు దొరలా తయారుచేస్తా’ అంటూ ప్రభాస్ ఆమెకు కౌంటర్ ఇస్తాడు. ఆ ఒక్క డైలాగ్ తో ఆమె బాగా పాపులర్ అయిపోయింది. ఆమె పేరు పూజ విశ్వేశ్వర్.’సలార్’ కి ముందు కూడా ఈమె పలు సినిమాల్లో నటించిన సంగతి ఎక్కువ మందికి తెలీదు. ‘సలార్’ వల్లే ఈమె ఎక్కువ ఫేమస్ అయ్యింది. అయితే తాజాగా ఈమె యాక్సిడెంట్ కి గురవ్వడం అందరికీ షాకిచ్చింది.
విషయం ఏంటి అంటే.. పూజా విశ్వేశ్వర్ బైక్ పై వైజాగ్ లోని అనకాపల్లి హైవేలో వెళ్తుండగా పొరపాటున డివైడర్ ను ఢీ కొట్టి కిందపడిపోయింది. ఈ క్రమంలో ఆమె ముఖానికి గాయాలు అయ్యాయి. ముఖ్యంగా ఓ కన్ను భాగం వద్ద గట్టిగా గాయం అయ్యింది అని తెలుస్తుంది. ఈమె హాస్పిటల్ బెడ్ పై ఉన్న వీడియో ఇప్పుడు వైరల్ గా మారింది.
ఈ ఏడాది ప్రేక్షకుల్ని ఆకట్టుకున్న తెలుగు సినిమాలు!
ఈ ఏడాది వచ్చిన 10 రీమేక్ సినిమాలు… ఎన్ని హిట్టు.. ఎన్ని ఫ్లాప్?
ఈ ఏడాది ప్రేక్షకులు తలపట్టుకొనేలా చేసిన తెలుగు సినిమాలు!
