Chiranjeevi: ‘గాడ్ ఫాథర్’ లో సల్మాన్ ఖాన్ పాత్ర ఫిక్సట..!

మెగాస్టార్ చిరంజీవి హీరోగా మోహన్ రాజా దర్శకత్వంలో ‘గాడ్ ఫాదర్’ అనే మూవీ తెరకెక్కుతున్న సంగతి తెలిసిందే. మలయాళంలో సూపర్ హిట్ అయిన ‘లూసిఫర్’ కు ఇది రీమేక్ కావడం విశేషం. నిజానికి ఈ సినిమా తెలుగులో డబ్ అయ్యింది. అమెజాన్ ప్రైమ్లో తెలుగు వెర్షన్ కూడా అందుబాటులో ఉంది. అయినప్పటికీ పలు మార్పులు చేసి భారీతనాన్ని అద్ది తెలుగు ప్రేక్షకులకు అందించాలన్నది చిరు ఆలోచన. అందుకు తగినట్టే స్క్రిప్ట్ రెడీ అయ్యింది.

నయన తార ఓ పాత్రకి ఫిక్స్ అయ్యింది. అది హీరోయిన్ గానా లేక హీరో చెల్లెలి పాత్రలోనూ అన్నది ఇంకా క్లారిటీ లేదు. సత్యదేవ్ కూడా ఫిక్స్ అయ్యాడు అంటున్నారు. ఇతని పాత్ర పై కూడా ఎటువంటి క్లారిటీ లేదు. అయితే ఒరిజినల్ లో క్లైమాక్స్ లో వచ్చే పృథ్వి రాజ్ సుకుమారన్ పాత్ర కోసం సల్మాన్ ఖాన్ ను అనుకుంటున్నారు అనేది కొత్తగా జరుగుతున్న ప్రచారం. ఈ విషయం పై ఆరా తీయగా సల్మాన్ ఖాన్ ఈ ప్రాజెక్టులో భాగం కానున్న సంగతి వాస్తవమేనని తెలుస్తుంది.

అది 10నిమిషాల లోపు నిడివిగల పాత్ర అని వినికిడి. చిరుకి సల్మాన్ అత్యంత సన్నిహితుడు. రాంచరణ్ కు అయితే మరీను. సల్మాన్ నటించిన ‘ప్రేమ్ రతన్ ధన్ పాయో’ మూవీ తెలుగు వెర్షన్ కు గాను.. సల్మాన్ పాత్రకి డబ్బింగ్ చెప్పింది చరణే అన్న సంగతి తెలిసిందే. అందులోనూ చాలా కాలం నుండీ టాలీవుడ్ ఎంట్రీ ఇవ్వాలని సల్మాన్ భావిస్తున్నాడు. అది ఈ ప్రాజెక్టుతో సాకారం చేసుకోబోతున్నాడన్న మాట.

Most Recommended Video

చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!