‘ఆర్.ఆర్.ఆర్’ చిత్రంలో సముద్రఖని కన్ఫర్మ్ అయినట్టేనా..?

‘బాహుబలి’ తరువాత దర్శకధీరుడు రాజమౌళి తెరకేక్కిస్తున్న చిత్రం ‘ఆర్.ఆర్.ఆర్’. యంగ్ టైగర్ ఎన్టీఆర్ , మెగా పవర్ స్టార్ రాంచరణ్ హీరోలుగా నటిస్తున్న ఈ భారీ మల్టీ స్టారర్ చిత్రం ఇప్పటికే మొదటి షెడ్యూల్ ని పూర్తి చేసుకుని తాజాగా రెండో షెడ్యూల్ ను జరుపుకుంటుంది. ఇక ఈ చిత్రంలో కోలీవుడ్ యాక్టర్ కమ్ డైరెక్టర్ సముద్రఖని నటిస్తున్నాడని గత కొంతకాలంగా వార్తలొస్తున్న సంగతి తెలిసిందే.

• వినయ విధేయ రామ రివ్యూ కోసం ఇక్కడ క్లిక్ చేయండి
• ‘ఎన్టీఆర్ -కథానాయకుడు’ రివ్యూ కోసం ఇక్కడ క్లిక్ చేయండి
• ‘పేట’ రివ్యూ కోసం ఇక్కడ క్లిక్ చేయండి
• ఎఫ్ 2 రివ్యూ కోసం ఇక్కడ క్లిక్ చేయండి

అయితే తాజా సమాచారం ప్రకారం ఈ వార్త నిజమేనని తెలుస్తుంది. ఈ చిత్రంలో రాంచరణ్ మావయ్యగా సముద్రఖని ఒక ముఖ్య పాత్ర పోషిస్తున్నాడని టాక్ వినిపిస్తోంది. ఇక ఈ చిత్రంతో సముద్ర ఖని మొదటి సారి స్ట్రెయిట్ తెలుగు చిత్రంలో నటించబోతున్నాడన్న మాట..! కోలీవుడ్ లో కూడా ఈ చిత్రాన్ని మార్కెట్ చేసుకోవడానికి సముక్రఖనిని తీసుకుంటున్నట్టు సమాచారం. దాదాపు 300 కోట్ల బడ్జెట్ తో పిరియాడికల్ నేపథ్యంలో డీ.వి.వి ఎంటర్టైన్మెంట్స్ బ్యానర్ ఫై డీ.వి.వి దానయ్య నిర్మిస్తున్న ఈ చిత్రం తెలుగు తో పాటు హిందీ , తమిళ , మలయాళ భాషల్లో కూడా విడుదల చేయడానికి ప్లాన్ చేస్తున్నారు. చాలా రోజుల నుండీ.. ఈ చిత్రంలో హీరోయిన్ల పేర్లు.. అలాగే నటీనటుల పేర్లు అనౌన్స్ చేయబోతున్నారంటూ వార్తలు వచ్చినప్పటికీ.. అనౌన్స్ చేయలేదు. ఇక రాజమౌళి చిత్రాలకి సంగీతమందించే ఎం.ఎం.కీరవాణి.. ఈ చిత్రానికి కూడా సంగీతమందిస్తుండగా…. సెంథిల్ కుమార్ సినిమాటోగ్రఫీ అందిస్తున్నాడు.