రికార్డు స్థాయిలో ‘సరిలేరు నీకెవ్వరు’ శాటిలైట్ రైట్స్ !

‘మహర్షి’ చిత్రంతో హిట్టందుకుని మంచి జోష్ లో ఉన్నాడు మహేష్. ఈ చిత్రంతో మొదటిసారి 100 కోట్ల షేర్ ను రాబట్టాడు. ఇది మహేష్ కు 25 వ చిత్రం. ఇక తరువాత తన 26 వ చిత్రాన్ని అనిల్ రావిపూడి డైరెక్షన్లో చేయబోతున్న సంగతి తెలిసిందే. ‘సరిలేరు నీకెవ్వరు’ అనే టైటిల్ తో ఈ చిత్రం తెరకెక్కుతుంది. ఇక ఈ చిత్రం షూటింగ్ ఇంకా మొదలు కాలేదు.. కానీ అప్పుడే ఈ చిత్రం బిజినెస్ మొదలైపోయింది. మహేష్ స్టామినా ఏంటో మరోసారి ఈ చిత్రంతో ఋజువయ్యింది.

• మల్లేశం సినిమా రివ్యూ కోసం ఇక్కడ క్లిక్ చెయ్యండి
• ఏజెంట్ సాయి శ్రీనివాస ఆత్రేయ సినిమా రివ్యూ కోసం ఇక్కడ క్లిక్ చెయ్యండి

‘సరిలేరు నీకెవ్వరు’ డిజిటల్ శాటిలైట్ హక్కల్ని ‘జెమిని టీవీ’ భారీ రేట్ కు దక్కించుకుందట. ‘మహర్షి’ చిత్రాన్ని ఏకంగా 16.8కోట్లకు దక్కించుకోగా.. ఇప్పుడు అంతకంటే ఎక్కువ పెట్టి ‘సరిలేరు నీకెవ్వరు’ చిత్రాన్ని జెమిని టివి వారు దక్కించుకున్నారట. జులై 5 నుండీ ఈ చిత్రం రెగ్యులర్ షూటింగ్ మొదలుకానుందట. దిల్ రాజు – రామబ్రహ్మం సుంకర కలిసి ఈ చిత్రాన్ని నిర్మిస్తున్నారు. రష్మిక మందన హీరోయిన్ గా నటిస్తున్న ఈ చిత్రంలో విజయశాంతి కీలక పాత్ర పోషిస్తుంది. 2020 సంక్రాంతి కానుకగా ఈ చిత్రం విడుదల కానుంది.