టాలీవుడ్లో సీక్వెల్స్ చాలానే వచ్చాయి. కానీ హిట్ అయినవి లెక్కేసుకుంటే తక్కువగానే ఉంటాయి. అయినప్పటికీ ఓ సినిమా సూపర్ హిట్ అయితే దానికి సీక్వెల్ తీసి క్యాష్ చేసుకోవాలి అనే ఇంట్రెస్ట్ దర్శకనిర్మాతల్లో ఎక్కువగానే ఉంటుంది. అందులో తప్పేమి లేదు. ఓ హిట్టు సినిమాకి సీక్వెల్ అనౌన్స్ చేసి తీసే ప్రయత్నం మొదలు పెడితే బిజినెస్ బాగా జరిగి నిర్మాత ముందుగానే సేఫ్ అవుతారు. కానీ అంతంతమాత్రం ఆడిన సినిమాకు సీక్వెల్ తీస్తే..
దాని వల్ల ప్రయోజనం ఏముంటుంది? బిజినెస్ జరగ్గా జరగదు… సరిగ్గా ఇప్పుడు అదే ప్రయత్నం మొదలవుతున్నట్టు కనిపిస్తుంది. వివరాల్లోకి వెళితే.. విజయ్ దేవరకొండతో ‘పెళ్లి చూపులు’ వంటి బ్లాక్ బస్టర్ చిత్రాన్ని తెరకెక్కించి మొదటి సినిమాతోనే బ్లాక్ బస్టర్ ను అందుకున్నాడు దర్శకుడు తరుణ్ భాస్కర్.. ఆ తర్వాత ‘ఈ నగరానికి ఏమైంది’ అనే చిత్రాన్ని కూడా తెరకెక్కించాడు.విశ్వక్ సేన్ ఇందులో ప్రధాన పాత్ర పోషించాడు.అయితే ఈ సినిమా యావరేజ్ టు అబౌవ్ యావరేజ్ అన్నట్టే ఆడింది.
ఇప్పుడు ఈ చిత్రానికి సీక్వెల్ తీయాలనే ఆలోచనలో తరుణ్ భాస్కర్ ఉన్నాడట. ఇదే విషయాన్ని ఇటీవల ఓ ఇంటర్వ్యూలో కూడా చెప్పుకొచ్చాడు. ఆ సినిమా పెద్దగా ఆడలేదు కదా అనే ప్రశ్నలు ఎదురైనా.. ‘ ‘ఈ నగరానికి ఏమైంది?’ సినిమా చూసిన ప్రేక్షకులంతా బాగా ఎంజాయ్ చేశారు.
కానీ అది ఎందుకు బాక్సాఫీస్ వద్ద పెర్ఫార్మ్ చేయలేదు అనే విషయం నాకు అర్ధం కావడం లేదు అంటూ చెప్పుకొచ్చాడు. అయితే ‘ఈ నగరానికి ఏమైంది?’ నిర్మాత సురేష్ బాబుకి ఈ సీక్వెల్ ను నిర్మించేందుకు ఇంట్రెస్ట్ చూపిస్తున్నాడా లేదా అన్నది తెలియాల్సి ఉంది..!
Most Recommended Video
విక్రమ్ సినిమా రివ్యూ & రేటింగ్!
వెంకీ టు నితిన్… ఛాలెంజింగ్ పాత్రలు చేసిన 10 మంది హీరోల లిస్ట్
ప్రభాస్ టు నాని… నాన్ థియేట్రికల్ రైట్స్ రూపంలో భారీగా కలెక్ట్ చేసే హీరోలు..!
