కొత్త సంవత్సరం వచ్చేసింది… మరి కొత్త సినిమాల సంగతి కూడా చూడాలి కదా. అందులో గతంలో మంచి విజయం అందుకున్న సినిమాల సీక్వెల్స్ వస్తున్నాయి అంటే ఆ వివరాలు తప్పకుండా చూడాల్సిందే. అలాంటి సినిమాల గురించే మీకిప్పుడు చెబుతున్నాం. గతంలో వచ్చిన హిట్‌ సినిమాలకు వస్తున్న కొనసాగింపు వివరాలు ఇవీ. అయితే ఇక్కడో మెలిక ఉంది. ఈ సినిమా రిలీజ్‌లు మాయదారి కరోనా సహకరిస్తేనే. మళ్లీ రూపం మార్చుకొని వచ్చిందంటే… ఇందులో చాలా సినిమాల తేదీలు, అవసరమైతే సంవత్సరాలు కూడా మారిపోతాయి.
* సీక్వెల్స్ గురించి మాట్లాడాలి అంటే తొలుత చెప్పుకోవాల్సింది ‘బంగార్రాజు’ గురించే. ఎందుకంటే ఈ సినిమాను సంక్రాంతికి తీసుకొచ్చేస్తున్నారు. నాగార్జున హీరోగా 2016లో వచ్చిన ‘సోగ్గాడే చిన్ని నాయన’కు ఇది కొనసాగింపు సినిమా. ఈసారి సోగ్గాళ్లు రాబోతున్నారు. నాగార్జున, నాగచైతన్య కలసి సందడి చేస్తున్నారు. సంక్రాంతి రిలీజ్ అన్నారు కానీ… డేట్‌ ఇంకా ఇవ్వలేదు.
* సీక్వెల్స్ గురించి మాట్లాడుకుంటే వచ్చే రెండో పేరు ‘కేజీఎఫ్‌’. నాలుగేళ్ల క్రితం ‘కేజీఎఫ్‌’ అంటూ ఓ సినిమాగా మొదలైన యశ్‌ – ప్రశాంత్‌ నీల్‌ ప్రభంజనం ఏకంగా ప్రళయంగా మారింది. ఆ సినిమాకు ఇప్పుడు వరల్డ్‌వైడ్‌ ఫ్యాన్స్‌ ఉన్నారు. రెండో పార్టు ఇప్పటికే సిద్ధమైంది. కరోనా కారణంగా వాయిదా పడుతూ పడుతూ ఈ ఏప్రిల్‌ 14కి తెచ్చారు. ఏమవుతుందో చూడాలి.
* మూడో సినిమా మాట్లాడుకుంటున్నాం కానీ… రీసెంట్‌ సినిమా అయితే ‘పుష్ప’నే. అల్లు అర్జున్ – సుకుమార్‌ కాంబినేషన్‌లో వచ్చిన ‘పుష్ప : ది రైజ్‌’ ఎంత విజయం సాధించిందో మనకు తెలిసిందే. డిసెంబరులో విడుదలై 2021 బాక్సాఫీస్‌కి స్ట్రాంగ్‌ ఎండింగ్‌ ఇచ్చింది. ఇప్పుడు ‘పుష్ప: ది రూల్‌’గా తీసుకొస్తారు. రెండో పార్టును ఫిబ్రవరిలో ప్రారంభిస్తాం అన్నారు. అయితే కరోనా ఏం చేస్తుందో.
* ఇప్పుడు ఫన్‌, ఫ్రస్టేషన్‌ గురించి మాట్లాడుకుందాం. ఆఁ.. అవును ‘ఎఫ్ 3’ గురించే చెబుతున్నాం. వెంకటేశ్‌, వరుణ్‌తేజ్‌ – అనిల్‌ రావిపూడి ట్రిపుల్‌ కాంబోలో వచ్చిన ఫుల్‌ ఫ్యామిలీ ఎంటర్‌టైనర్‌ ‘ఎఫ్ 2’కి ఇది కొనసాగింపు. మూడేళ్ల క్రితం వచ్చిన సినిమా ఇది. నిజానికి ఈ సినిమా ఫిబ్రవరి 25న రావాలి. అయితే కొన్ని సమీకరణాల వల్ల ఏప్రిల్‌ ఎండింగ్‌కి మూవ్‌ చేశారు.
* క్రైమ్‌ ఇన్వెస్టిగేషన్‌, థ్రిల్లర్‌ తరహా సినిమాలు నచ్చేవాళ్లకు ‘హిట్‌’ సినిమా ఇచ్చిన కిక్‌ తెలిసే ఉంటుంది. రెండేళ్ల క్రితం విశ్వక్‌ సేన్‌ – శైలేష్‌ కొలను అందించిన సినిమా ఇది. ఇప్పుడు రెండో పార్టు అంటే ‘హిట్‌ 2’ను అడివి శేష్‌ హీరోగా తెరకెక్కించారు శైలేష్‌. రెండో ‘హిట్‌’ను ఫిబ్రవరిలో తీసుకొస్తున్నారు.
* నిఖిల్‌కు మంచి పేరు తీసుకొచ్చి, వసూళ్లూ తెచ్చి పెట్టిన సినిమా ‘కార్తికేయ’. దేవాలయం మిస్టరీ నేపథ్యంలో సాగిన ఈ సినిమాకు ఆ రోజుల్లో మంచి అప్లాజే వచ్చింది. ఆ సినిమాకు సీక్వెల్‌ ఉంటుందని చాలా రోజులగా చెప్పినా… ఆఖరికి కరోనా ముందు ఓకే చేశారు. సినిమా చిత్రీకరణ అయితే కొనసాగుతోంది. జూన్‌ ఆఖరున సినిమా విడుదల చేస్తారని టాక్‌.
* అడివి శేష్‌కి సెమీ స్టార్‌ ఇమేజ్‌ తీసుకొచ్చిన చిత్రం ‘గూఢచారి’. యాక్షన్‌ స్పై థ్రిల్లర్‌ జోన్‌లో రూపొందిన ఈ సినిమాకు శశికిరణ్‌ తిక్కా దర్శకుడు. ఈ సినిమాలో శేష్‌ స్క్రీన్‌ ప్రజెన్స్‌, నటన ఆకట్టుకున్నాయి. సినిమా ఆఖరున దీనికి సీక్వెల్‌ పక్కా అని చెప్పారు కూడా. చాలా రోజుల తర్వాత దాని అనౌన్స్‌మెంట్‌ వచ్చింది. సినిమా కూడా రెడీ చేస్తున్నారు. అయితే దీనికి రాహుల్‌ పాకాల దర్శకుడు.
* ఎప్పుడో 15 ఏళ్ల క్రితం ఇప్పటికీ నవ్విస్తున్న చిత్రం ‘ఢీ’. మంచు విష్ణు – శ్రీను వైట్ల కాంబినేషన్‌లో రూపొందిన సినిమా అది. దానికి సీక్వెల్‌ అని పేరు పెట్టకుండా ‘ఢీ అంటే ఢీ’ పేరుతో 2020 నవంబరులో ఓ సినిమా అనౌన్స్‌ చేశారు. అయితే ఇది సీక్వేలే అనేది ఓ టాక్‌. ఆ సినిమా మొదలైందా? ఎంతవరకు వచ్చింది అనేది తెలియదు. అయితే ఈ ఏడాదిలోనే వస్తుంది అని మాత్రం సమాచారం.
Most Recommended Video
ఈ ఏడాది హీరోయిన్లుగా ఎంట్రీ ఇచ్చిన భామల లిస్ట్..!
ఈ ఏడాది ప్లాపుల నుండీ బయటపడ్డ హీరోలు ఎవరో తెలుసా?
ఈ ఏడాది వివాహం చేసుకున్న సినీ సెలబ్రిటీలు..!
Home