శంకర్ చరణ్ కాంబినేషన్ లో భారీ బడ్జెట్ తో దిల్ రాజు నిర్మాతగా ఒక సినిమా తెరకెక్కనుండగా ఈ సినిమాకు సంబంధించి వేర్వేరు టైటిల్స్ ప్రచారంలోకి వస్తున్న సంగతి తెలిసిందే. ఇప్పటికే ఈ సినిమాకు సంబంధించి సర్కారోడు, అధికారి అనే టైటిల్స్ ప్రచారంలోకి వచ్చాయి. అయితే ఈ రెండు టైటిల్స్ కు నెటిజన్స్ నుంచి పాజిటివ్ రియాక్షన్ రాలేదు. అయితే ప్రస్తుతం ఈ సినిమాకు సిటిజన్ అనే టైటిల్ జోరుగా వినిపిస్తోంది.
దాదాపుగా 20 సంవత్సరాల క్రితం అజిత్ హీరోగా ఇదే టైటిల్ తో ఒక సినిమా తెరకెక్కి సంచలన విజయాన్ని సొంతం చేసుకుంది. సిటిజన్ అనే టైటిల్ అన్ని భాషలకు సూట్ అవుతుంది. ఈ టైటిల్ విషయంలో ఫ్యాన్స్ నుంచి కూడా పాజిటివ్ కామెంట్లు వ్యక్తమవుతున్నాయి. అయితే ఈ సినిమాకు ఇదే టైటిల్ ను ఫిక్స్ చేస్తారో లేదో చూడాల్సి ఉంది. శంకర్ చరణ్ కాంబో మూవీ షూట్ శరవేగంగా జరుగుతోంది.
చరణ్ కు జోడీగా ఈ సినిమాలో కియారా అద్వానీ నటిస్తున్నారు. వినయ విధేయ రామ సినిమాలో కలిసి నటించిన చరణ్ కియారా ఈ సినిమా కోసం మరోసారి కలిసి నటిస్తుండటం గమనార్హం. మెసేజ్ ఓరియెంటెడ్ కథాంశంతో ఈ సినిమా తెరకెక్కనుందని వార్తలు ప్రచారంలోకి వస్తున్నాయి. అయితే టీజర్ లేదా ట్రైలర్ రిలీజైతే మాత్రం ఈ సినిమా కథకు సంబంధించి పూర్తిస్థాయిలో క్లారిటీ వచ్చే ఛాన్స్ అయితే ఉంది.
నిర్మాత దిల్ రాజు ఈ సినిమా కథపై ఉన్న నమ్మకంతో 200 కోట్ల రూపాయల కంటే ఎక్కువ మొత్తం ఖర్చు చేస్తున్నారు. దిల్ రాజు, జీ స్టూడియోస్ సంయుక్తంగా ఈ సినిమాను నిర్మిస్తుండగా బాక్సాఫీస్ వద్ద ఈ సినిమా ఎలాంటి ఫలితాన్ని అందుకుంటుందో చూడాల్సి ఉంది. చరణ్ గత సినిమా ఆచార్య డిజాస్టర్ ఫలితాన్ని అందుకున్న నేపథ్యంలో తర్వాత సినిమాలతో సక్సెస్ ను సొంతం చేసుకోవాలని చరణ్ భావిస్తున్నారు.
Most Recommended Video
‘ఆర్.ఆర్.ఆర్’, ‘అంటే..’ తో పాటు ఎక్కువ నిడివితో వచ్చిన లేటెస్ట్ సినిమాల లిస్ట్..!
‘2.0’ టు ‘విక్రమ్’ తమిళ్ లో భారీ కలెక్షన్లు రాబట్టిన 10 సినిమాల లిస్ట్..!
ఎన్టీఆర్, నాగ చైతన్య.. టు కీర్తి సురేష్, ‘గుండమ్మ కథ’ రీమేక్ కు సూట్ అయ్యే 10 మంది స్టార్లు..!
