టాలీవుడ్ హీరో శర్వానంద్ నటిస్తోన్న లేటెస్ట్ సినిమా ‘ఆడవాళ్ళు మీకు జోహార్లు’. ఈ సినిమాతో ఎలాగైనా హిట్ కొట్టాలని చూస్తున్నాడు శర్వా. ఈ మధ్యకాలంలో ఆయనకు ఒక్క హిట్టు కూడా లేదు. ‘రణరంగం’, ‘జాను’, ‘మహాసముద్రం’ ఇలా అన్ని సినిమాలు నిరాశ పరిచాయి. ఈ ఫెయిల్యూర్స్ శర్వానంద్ మార్కెట్ పై ఎఫెక్ట్ చూపిస్తున్నాయి. అందుకే ఈ సినిమా హిట్టు అనేది శర్వాకి చాలా ముఖ్యం. కిషోర్ తిరుమల డైరెక్ట్ చేస్తోన్న ఈ సినిమాలో రష్మిక హీరోయిన్ గా నటిస్తోంది.
శ్రీలక్ష్మీ వెంకటేశ్వరా సినిమాస్ బ్యానర్ పై సుధాకర్ చెరుకూరి ఈ సినిమాను నిర్మిస్తున్నారు. ఇందులో రాధికా, ఖుష్బూ, ఊర్వశి, వెన్నెల కిషోర్ లాంటి తారలు కీలకపాత్రలు పోషిస్తున్నారు. అవుట్ అండ్ అవుట్ ఫ్యామిలీ ఎంటర్టైనర్ గా ఈ సినిమాను రూపొందిస్తున్నారు. ఇప్పటికే ఈ సినిమా షూటింగ్ పూర్తయింది. ఫిబ్రవరి 25న సినిమాను విడుదల చేయడానికి ప్లాన్ చేస్తున్నారు. దీంతో ఇప్పటినుంచే ప్రమోషన్స్ షురూ చేశారు. సినిమా నుంచి పాటలు, టీజర్ ను విడుదల చేయబోతున్నారు.
ఇదిలా ఉండగా.. తాజాగా ఈ సినిమా ఓటీటీ రైట్స్ భారీ ధరకు అమ్ముడైనట్లు తెలుస్తోంది. ఈసినిమా డిజిటల్ స్ట్రీమింగ్ రైట్స్ అండ్ సాటిలైట్ రైట్స్ ను సోనీ గ్రూప్ సంస్థ దక్కించుకుందట. అంటే ఈ సినిమా సోనీ లివ్ లో ప్రసారమవుతుందన్నమాట. దీనికోసం సదరు సంస్థ ఏకంగా రూ.25 కోట్లకు చెల్లించినట్లు తెలుస్తోంది. నాన్ థియేట్రికల్ రైట్స్ రూపంలో ఈ రేంజ్ లో డీల్ వచ్చిందంటే విశేషమనే చెప్పాలి. శర్వా కెరీర్ లో ఇదే రికార్డ్ స్థాయి డీల్ అని చెప్పాలి.
Most Recommended Video
బ్రహ్మానందం కామెడీతో హిట్టైన 10 సినిమాల లిస్ట్..!
తమిళంలో సత్తా చాటిన తెలుగు సినిమాలు … టాప్ 10 లిస్ట్ ఇదే ..!
అంతా ఓకే అయ్యి ఆగిపోయిన చిరంజీవి సినిమాలివే!
