‘కె.జి.ఎఫ్ చాప్టర్ 1 , ‘కె.జి.ఎఫ్ చాప్టర్ 2 ‘ సినిమాలతో తెలుగులో కూడా క్రేజ్ సంపాదించుకున్నాడు యష్. ‘కె.జి.చాప్టర్ 2 ‘ తర్వాత యష్ నుండి మరో సినిమా రాలేదు. ‘టాక్సిక్ – ఏ ఫెయిరీ టేల్ ఫర్ గ్రోన్స్ అప్స్’ పేరుతో యష్ నెక్స్ట్ మూవీ రూపొందుతుంది. ‘యష్ 19 ‘ వ సినిమాగా రూపొందుతున్న ఈ సినిమాకి గీతూ మోహన్దాస్ డైరెక్టర్. 2025 ఏప్రిల్ 10న ఈ సినిమా కన్నడతో పాటు తెలుగు, తమిళ, మలయాళ భాషల్లో కూడా ఏక కాలంలో రిలీజ్ అవుతుంది అని ఇదివరకే ప్రకటించారు.
‘కెవిఎన్ ప్రొడక్షన్స్’, ‘మాన్స్టర్ మైండ్ క్రియేషన్స్’ బ్యానర్స్పై వెంకట్ కె.నారాయణ ఈ చిత్రాన్ని భారీ బడ్జెట్ తో నిర్మించబోతున్నారు. అయితే ఈ ప్రాజెక్టులో మొదట హీరోయిన్ గా పూజా హెగ్డే ని అనుకున్నారు. ఆమెకి కూడా పాన్ ఇండియా ఇమేజ్ ఉంది కాబట్టి.. ‘పూజా పర్ఫెక్ట్ ఛాయిస్’ అని అంతా అనుకున్నారు. కానీ ఇప్పుడు ఆమె ఈ ప్రాజెక్టు నుండి తప్పుకున్నట్టు తెలుస్తుంది.
పూజా హెగ్డే ప్లేస్ లో ఇప్పుడు శృతి హాసన్ ను ఎంపిక చేసుకోబోతుంది చిత్ర బృందం అని ఇన్సైడ్ టాక్. ‘సలార్’ తో కన్నడలో పెద్ద బ్లాక్ బస్టర్ అందుకుంది శృతి హాసన్. పైగా హిందీలో కూడా శృతి హాసన్ కి మంచి క్రేజ్ ఉంది. కాబట్టి.. ‘టాక్సిక్’ యూనిట్ శృతి హాసన్ ని (Shruti Haasan) ఫైనల్ చేస్తూ త్వరలోనే అధికారిక ప్రకటన ఇవ్వనుంది అని స్పష్టమవుతుంది.
‘గుంటూరు కారం’ లో ఆకట్టుకునే డైలాగులు ఇవే.!
‘గుంటూరు కారం’ తో పాటు సంక్రాంతి సీజన్ వల్ల సేఫ్ అయిన 10 సినిమాల లిస్ట్.!
2023లో అభినయంతో ఆకట్టుకున్న అందాల భామలు.!
