ఆర్.జె.బాలాజీ తెలుగు ప్రేక్షకులకు కూడా సుపరిచితమే. రేడియో జాకీగా కెరీర్ ను ప్రారంభించిన బాలాజీ.. అనతి కాలంలోనే పాపులర్ అయిపోయాడు. రేడియో జాకీ గా పని చేస్తూనే ‘పుత్తగం’ అనే తమిళ సినిమాకి డబ్బింగ్‌ చెప్పాడు. 2013లో వచ్చిన ఈ మూవీ బాలాజీకి మంచి గుర్తింపు తెచ్చిపెట్టింది. అదే ఏడాది నటుడిగా కూడా మారి ‘ఎదిర్‌ నీచల్‌’ మూవీలో నటించాడు. అయితే బాలాజీకి మంచి పేరు తెచ్చిపెట్టింది మాత్రం 2015లో వచ్చిన ‘నానుమ్‌ రౌడీ దా’ అనే చెప్పాలి.
మహేష్- మురుగదాస్ కాంబినేషన్లో 2017లో వచ్చిన ‘స్పైడర్‌’ చిత్రంతో తెలుగు ప్రేక్షకులకు కూడా పరిచయమయ్యాడు బాలాజీ. మహేష్ బాబు,ప్రియదర్శి ల ఫ్రెండ్‌ గా ఇతను కనిపిస్తాడు. తమిళ్ లో ఇతను ప్రియదర్శి ప్లేస్ లో నటించాడు.తెలుగులోకి వచ్చేసరికి పాత్రలు మారాయి.అలాగే డిస్నీ ప్లస్ హాట్ స్టార్ లో రిలీజ్ అయిన ‘అమ్మోరు తల్లి’ ‘గ్యాంగ్’ చిత్రాల్లో కూడా నటించాడు. ఇదిలా ఉండగా.. ఇటీవల ఓ ఇంటర్వ్యూలో పాల్గొన్న బాలాజీ తనకు గే పాత్ర చేయాలని ఉందంటూ షాకింగ్ కామెంట్స్ చేశాడు.
బాలాజీ మాట్లాడుతూ.. “నేను మోడ్రన్‌ లవ్‌ షో మొదటి సీజన్‌ చూశాను. ఆ షోలో ఓ గే జంట సరోగసి ద్వారా బిడ్డను కనాలని పరితపిస్తుంటారు. ఆ వెబ్‌ సిరీస్ చూస్తున్నంత సేపు నాకు సంతోషాన్ని ఇచ్చింది. కన్నీళ్లు కూడా వచ్చాయి. అది నా ఫేవరేట్‌ షోగా భావిస్తుంటాను. గే రిలేషన్‌షిప్‌లోని అలాంటి కోణాన్ని నాకు ప్రేక్షకులకు చూపించాలని ఉంది. నాకు గే ఫ్రెండ్స్ కూడా కొంతమంది ఉన్నారు.అందులో నా బెస్టీస్ కూడా ఉన్నారు.
ఓ ఫ్రెండ్‌ అయితే తన జెండర్‌ను బయటపెట్టడానికి ఎంతో భయపడ్డాడు. కొంతకాలం అయితేనే కానీ అతను బయటపెట్టలేదు. గే రిలేషన్‌షిప్‌ గురించి మంచి ఫ్రెండ్షిప్ ఓరియెంటెడ్ మూవీస్ తమిళంలో చేయాలి. ఇప్పుడు నేను సాధారణ నటుడిని. ఓ స్థాయికి వెళ్ళాక కచ్చితంగా అలాంటి సినిమా ఒకటి చేస్తాను” అంటూ చెప్పుకొచ్చాడు.
Most Recommended Video
‘ఆర్.ఆర్.ఆర్’, ‘అంటే..’ తో పాటు ఎక్కువ నిడివితో వచ్చిన లేటెస్ట్ సినిమాల లిస్ట్..!
‘2.0’ టు ‘విక్రమ్’ తమిళ్ లో భారీ కలెక్షన్లు రాబట్టిన 10 సినిమాల లిస్ట్..!
ఎన్టీఆర్, నాగ చైతన్య.. టు కీర్తి సురేష్, ‘గుండమ్మ కథ’ రీమేక్ కు సూట్ అయ్యే 10 మంది స్టార్లు..!
