Spirit: స్పిరిట్ కోసం బాలీవుడ్ భామ.. 20 కోట్ల డిమాండా?

పాన్-ఇండియా స్టార్ ప్రభాస్ (Prabhas) , , ‘అర్జున్ రెడ్డి’  (Arjun Reddy)  ఫేమ్ దర్శకుడు సందీప్ రెడ్డి వంగా (Sandeep Reddy Vanga)  కాంబినేషన్‌లో ‘స్పిరిట్’ (Spirit) సినిమా రూపొందుతున్న సంగతి తెలిసిందే. టీ-సిరీస్ బ్యానర్‌పై భూషణ్ కుమార్ (Bhushan Kumar)  నిర్మిస్తున్న ఈ సినిమా, పోలీస్ యాక్షన్ డ్రామాగా అత్యంత భారీ స్థాయిలో తెరకెక్కనుంది. సందీప్ రెడ్డి వంగా తనదైన శైలిలో హై-ఇంటెన్సిటీ యాక్షన్, వైలెన్స్‌తో ఈ సినిమాను రూపొందిస్తున్నాడు. ప్రభాస్ ఒక సీరియస్ పోలీస్ ఆఫీసర్ పాత్రలో కనిపించనున్నాడని, ఈ సినిమా అతని కెరీర్‌లో మరో రికార్డ్ గా నిలుస్తుందని అభిమానులు ఆశిస్తున్నారు.

Spirit

‘స్పిరిట్’ సినిమాపై ఇప్పటికే అంచనాలు ఆకాశాన్ని తాకుతున్నాయి. ఈ సినిమా ఇంకా సెట్స్‌పైకి వెళ్లకపోయినా, హీరోయిన్ ఎంపికపై చర్చలు జోరుగా సాగుతున్నాయి. గతంలో మృణాల్ ఠాకూర్(Mrunal Thakur) , ఆలియా భట్ (Alia Bhatt) వంటి స్టార్ హీరోయిన్ల పేర్లు వినిపించినప్పటికీ, నిర్మాతలు ఇంకా అధికారికంగా ఎవరినీ ప్రకటించలేదు. పాన్-ఇండియా స్థాయి సినిమా కావడంతో, దేశవ్యాప్తంగా క్రేజ్ ఉన్న హీరోయిన్‌ను ఎంచుకోవాలని నిర్మాతలు భావిస్తున్నట్లు సమాచారం.

తాజా సమాచారం ప్రకారం, బాలీవుడ్ స్టార్ హీరోయిన్ దీపికా పదుకొణె పేరు ఈ సినిమా కోసం గట్టిగా వినిపిస్తోంది. నిర్మాతలు ఆమెను సంప్రదించినట్లు, దీపికా ఈ సినిమాలో నటించడానికి రూ. 20 కోట్ల రెమ్యునరేషన్ డిమాండ్ చేసినట్లు ఫిల్మ్ నగర్ వర్గాలు చెబుతున్నాయి. నిర్మాతలు ఈ డిమాండ్‌కు ఓకే చెప్పినట్లు, త్వరలో అధికారిక ప్రకటన వచ్చే అవకాశం ఉందని టాక్. ఒకవేళ ఇది నిజమైతే, దీపికా ఇండియాలో అత్యధిక రెమ్యునరేషన్ తీసుకునే హీరోయిన్‌గా రికార్డు సృష్టించనుంది.

ఆసక్తికరమైన విషయం ఏమిటంటే, ప్రభాస్, దీపికా (Deepika Padukone) ఇప్పటికే ‘కల్కి 2898 ఏడీ’ (Kalki 2898 AD)  సినిమాలో జోడీగా నటించి, పాన్-ఇండియా స్థాయిలో సూపర్ హిట్ అందుకున్నారు. ఈ సినిమా సీక్వెల్‌లో కూడా వీరు కలిసి నటించనున్నారు. ‘స్పిరిట్’ సినిమాలో దీపికా నటిస్తే, ఈ జంటకు ఇది హ్యాట్రిక్ కాంబో అవుతుంది. ఈ సినిమా 2025 సెప్టెంబర్‌లో షూటింగ్ ప్రారంభమై, 2026లో విడుదల కానుందని సమాచారం.