సౌత్ ఇండియన్ స్టార్ డైరెక్టర్ శంకర్ దర్శకత్వంలో రామ్ చరణ్ ఓ సినిమా చేస్తోన్న సంగతి తెలిసిందే. RC15 అనే వర్కింగ్ టైటిల్ తో సినిమాను తెరకెక్కిస్తున్నారు. ప్రస్తుతం ఈ సినిమా షూటింగ్ దశలో ఉంది. ఇప్పటికే నలభై శాతం షూటింగ్ పూర్తి చేసుకున్న ఈ సినిమాకి సంబంధించిన ఓ ఆసక్తికర విషయం బయటకొచ్చింది. ఈ సినిమాకి పని చేస్తోన్న టాప్ టెక్నీషియన్ బయటకు వచ్చేశారని టాక్. అతడు మరెవరో కాదు..
ప్రొడక్షన్ డిజైనర్ రామకృష్ణ. గతంలో ఆయన ‘రంగస్థలం’ సినిమాకి పని చేశారు. ఆ సినిమా సూపర్ హిట్ అవ్వడంతో రామకృష్ణకి మంచి గుర్తింపు లభించింది. అందుకే శంకర్, చరణ్ ల సినిమాకి నిర్మాత దిల్ రాజు.. రామకృష్ణను ప్రొడక్షన్ డిజైనర్ గా ఎన్నుకున్నారు. ఇప్పటివరకు ఈ సినిమాకి సంబంధించిన భారీ సెట్స్ చాలానే వేశారు రామకృష్ణ. తాజాగా సెట్స్ లో జరిగిన చిన్న ఇన్సిడెంట్ కారణంగా.. రామకృష్ణ ఈ సినిమా నుంచి బయటకొచ్చేశారని సమాచారం.
క్రియేటివ్ డిఫరెన్సెస్ కారణంగానే ఆయన ఈ ప్రాజెక్ట్ ను వదిలేస్తున్నారని సమాచారం. ఆయన స్థానంలో రవీందర్ ను తీసుకున్నారని అంటున్నారు. రవీందర్ ఇదివరకు ‘రాధేశ్యామ్’ సినిమాకి పని చేశారు. అలానే ‘మగధీర’ కోసం భారీ సెట్స్ వేశారు. ఇప్పుడు మరోసారి ఆయన చరణ్ సినిమాకి పని చేస్తున్నట్లు టాక్.
ఇదిలా ఉండగా.. బాలా సినిమాల విషయంలో ఇలాంటి రూమర్లు చక్కర్లు కొట్టడం కామనే. మరి ఇది కూడా అలాంటి రూమరేనా..? లేక నిజంగానే రామకృష్ణ ఈ ప్రాజెక్ట్ నుంచి తప్పుకున్నారా..? అనే విషయం తెలియాల్సివుంది. దీనిపై చిత్రబృందం స్పందింస్తుందేమో చూడాలి!
Most Recommended Video
పెళ్లొద్దు.. సినిమాలే ముద్దు… అంటున్న 12 మంది నటీనటులు వీరే..!
తమ సొంత పేర్లనే సినిమాల్లో పాత్రలకి పెట్టుకున్న హీరోల లిస్ట్..!
ఈ 11 హీరోయిన్ల కాంబోలు అనేక సినిమాల్లో రిపీట్ అయ్యాయి..!
Home