అమేజాన్ ప్రైమ్ వెబ్ సిరీస్ లో ఆర్మీ మేజర్ గా సందీప్

వరుస పరాజయాల అనంతరం ఇటీవల “నిను వీడని నీడను నేనే” చిత్రంతో ఓ మోస్తరు విజయాన్ని అందుకొని కాస్త ఊపిరి పీల్చుకున్న సందీప్ కిషన్ తన కెరీర్ ను చాలా జాగ్రత్తగా ప్లాన్ చేసుకొంటున్నాడు. ఈ క్రమంలో అమేజాన్ ప్రైమ్ కోసం ఒక వెబ్ సిరీస్ చేశాడు. తన చిరకాల మిత్రులు మరియు దర్శకద్వయం అయిన రాజ్ & డి.కె దర్శకత్వంలో తెరకెక్కిన “ది ఫ్యామిలీ మ్యాన్” అనే వెబ్ సిరీస్ లో సందీప్ కిషన్ ఆర్మీ మేజర్ గా కనిపించనున్నాడు. మనోజ్ భాజ్ పాయ్, ప్రియమణి ప్రధాన పాత్రలో తెరకెక్కిన ఈ సిరీస్ సెప్టెంబర్ 20 నుంచి అమేజాన్ ప్రైమ్ లో లైవ్ స్ట్రీమ్ కానుంది. విడుదలైన ట్రైలర్ ఆల్రెడీ మంచి హైప్ క్రియేట్ చేసింది. ఈ సిరీస్ లో ప్రియమణి తర్వాత తెలుగు నుంచి నటించింది సందీప్ కిషణే.

ఈ సిరీస్ కోసం సందీప్ దాదాపు 14 రోజులు కాశ్మీర్ లో షూటింగ్ చేశాడట. ఈ సిరీస్ సూపర్ హిట్ అయితే.. మనోడి కెరీర్ కి బాగా ప్లస్ అవుతుంది. నవీన్ పోలిశెట్టి తరహాలో సినిమా, డిజిటల్ ప్లాట్ ఫార్మ్ అనే తేడా లేకుండా అన్నిట్లో ప్రయత్నిస్తున్నాడు సందీప్. మరి సందీప్ కి తాను కోరుకున్న హిట్ & బ్రేక్ ఎప్పుడొస్తుందో చూడాలి.

గ్యాంగ్‌ లీడర్ సినిమా రివ్యూ కోసం ఇక్కడ క్లిక్ చెయ్యండి
పహిల్వాన్ సినిమా రివ్యూ కోసం ఇక్కడ క్లిక్ చెయ్యండి