మెగాస్టార్ చిరంజీవికి వీరాభిమాని సునీల్. హాస్యనటుడిగా పేరుతెచ్చుకున్న తర్వాత ఠాగూర్, స్టాలిన్ వంటి సినిమాల్లో నటించారు. హీరోగా ఎదగడంతో చిన్న రోల్స్ చేయడం ఆపేసారు. అయినా చిరు హీరోగా రీ ఎంట్రీ సినిమాలో ఫ్రెండ్ క్యారక్టర్ కోసం పిలిచి అవకాశం ఇచ్చారు. అయితే డేట్స్ కుదరక సునీల్ ఖైదీ నంబర్ 150 మూవీలో నటించలేకపోయారు. ఆ ఛాన్స్ మిస్ అయినప్పటికీ ఇప్పుడు మంచి అవకాశం పట్టేసారు. సురేందర్ రెడ్డి దర్శకత్వంలో రామ్ చరణ్ తేజ్ భారీ బడ్జెట్ తో నిర్మిస్తున్న సైరా నరసింహా రెడ్డి సినిమాలో సునీల్ కి మంచి రోల్ ఇచ్చినట్లు తెలిసింది. సునీల్ హీరోగా చేస్తున్న సినిమాలు వరుసగా ఫెయిల్ అవుతుండడంతో, అతన్ని మళ్ళీ కమెడియన్ గా పరిచయం చేయాలనీ ఉద్దేశంతో చిరంజీవి ఈ అవకాశం ఇచ్చినట్లు సమాచారం.
త్రివిక్రమ్ శ్రీనివాస్, ఎన్టీఆర్ సినిమా ద్వారా హాస్య నటుడిగా రీ ఎంట్రీ ఇవ్వాలనే ప్రయత్నాల్లో ఉన్న సునీల్ కి సైరా లో ఛాన్స్ రావడం మరింత ఆనందాన్ని కలిగించింది. సునీల్ చేయబోయే క్యారక్టర్ వివరాలను నిర్మాత రామ్ చరణ్ గోప్యంగా ఉంచారు. సునీల్ విషయంలోనే కాదు సైరా లో భాగమైన నటీనటుల ప్రతి ఒక్కరి విషయంలో జాగ్రత్త పడుతున్నారు. అమితాబ్ బచ్చన్, జగపతిబాబు, సుదీప్ వంటి తారాగణంతో తెరకెక్కనున్న ఈ చిత్రంపై అంచనాలు భారీగా ఉన్నాయి.
Home