Sunny Deol: బాలీ – టాలీవుడ్‌ కాంబో.. టైటిల్‌ ఫిక్స్‌.. ఆ హీరో స్టైల్‌ యాక్షన్‌ సీన్స్‌ అంటూ..!

ఇప్పుడంటే పాన్‌ ఇండియా సినిమాలు వచ్చి మన సినిమాలు బాలీవుడ్‌లో రిలీజ్‌ అయ్యి భారీ విజయాలు సాధిస్తున్నాయి. ఒకప్పుడు బాలీవుడ్‌ సినిమాలు మన దగ్గర అలా వచ్చేవి. కొన్నిసార్లు అదిరిపోయే విజయాలు అందుకునేవి. ఆ సమయంలో వచ్చే హీరోల్లో సన్నీ డియోల్‌ ఒకరు. ఆయన సినిమాల్లో యాక్షన్‌ సీన్స్‌ చాలా స్పెషల్‌గా ఉంటాయి. అందుకే యాక్షన్‌ సన్నీ అని అంటుంటారు. ఒక్కోసారి ఆయన యాక్షన్‌ సీన్స్‌ చూస్తుంటే.. ఇదేం మాస్‌ రా మామా అని అనుకుంటాం.

Sunny Deol

సన్నీ డియోల్‌ (Sunny Deol) నుండి వచ్చిన అలాంటి యాక్షన్‌ సీన్స్‌లో ‘గదర్‌’ సినిమాలో బోరింగ్‌ పంపు సీన్‌ ఒకటి. ఆ సినిమాలో అందరూ సన్నీ డియోల్‌ను చుట్టుముడుతుంటే పాత స్టైల్‌ బోరంగ్‌ పంపును నేల నుండి పీకి గడగడలాడిస్తాడు. ఆ సీన్‌కి ఇప్పటికీ ఫ్యాన్స్‌ ఉన్నారు అంటే అతిశయోక్తి కాదు. మొన్నీ మధ్య వచ్చిన ‘గదర్‌ 2’ (Gadar 2) సినిమాలో కూడా అంతకుమించి ఫైట్స్‌ చూశాం. ఆ లెగసీని కంటిన్యూ చేయాలనుకున్నారో ఏమో కొత్త సినిమాలో అంతకుమించిన యాక్షన్‌ సీన్‌ రెడీ చేశారు.

ఈ రోజు సన్నీ డియోల్‌ పుట్టిన రోజు సందర్భంగా కొత్త సినిమా పోస్టర్‌ను టీమ్‌ అనౌన్స్‌ చేసింది. ఆ కొత్త సినిమా తెలుగు దర్శకుడు గోపీచంద్‌ మలినేనిదే అని మీకు ఇప్పటికే అర్థమై ఉంటుంది. మైత్రీ మూవీ మేకర్స్‌ – పీపుల్‌ మీడియా కలసి తెరకెక్కిస్తున్న ఈ సినిమాకు ‘జాట్‌’ అనే పేరు పెట్టారు. ఇది ఓ వర్గానికి చెందిన పేరు. ఎందుకు పెట్టారు అనేది కథ చెబుతుంది. పాన్‌ ఇండియా లెవల్‌లో రిలీజ్‌ కానున్న ఈ సినిమాలో రెజీనా, సయామీ ఖేర్ హీరోయిన్‌లుగా నటిస్తున్నారు.

ఇదంతా పక్కనపెడితే పోస్టర్‌ను రూపొందించిన విధానమే ఇక్కడ హైలైట్‌. పెద్ద పెద్ద ఫ్యాక్టరీలు, గోడౌన్‌లలో ఉండే భారీ సీలింగ్‌ ఫ్యాన్‌ను పీకేసి ఎవర్నో కొట్టడానికి వెళ్తున్నట్లుగా ఆ పోస్టర్‌ ఉంది. అంత పెద్ద ఫ్యాన్‌ను ఎలా పీకేశాడు? ఏం చేస్తాడు అనే డౌట్‌ సన్నీ డియోల్‌ పాత సినిమా చూసినవాళ్లకు కచ్చితంగా రావు.

ఫ్రెండ్‌ హతమయ్యాక.. జాగ్రత్త పడుతున్న స్టార్‌ హీరో.. అంత రేటు పెట్టి కారు..!