మరికొన్ని రోజుల్లో థియేటర్లలో విడుదల కానున్న స్వాతిముత్యం సినిమాపై ఒక వర్గం ప్రేక్షకుల్లో భారీ స్థాయిలో అంచనాలు నెలకొన్నాయి. 11 కోట్ల రూపాయల బడ్జెట్ తో ఈ సినిమా తెరకెక్కగా నాన్ థియేట్రికల్ హక్కులు 8 కోట్ల రూపాయలకు అమ్ముడయ్యాయని సమాచారం. రిస్క్ తక్కువగా ఉండటంతో మేకర్స్ ఈ సినిమాను దసరా పండుగకు రిలీజ్ చేయాలని భావిస్తున్నారని సమాచారం అందుతోంది. అయితే స్వాతిముత్యం రిలీజ్ డేట్ బెల్లంకొండ సురేష్ కు మాత్రం నచ్చలేదని బోగట్టా.
అక్టోబర్ 5వ తేదీన ఈ సినిమాను రిలీజ్ చేయడం వల్ల గాడ్ ఫాదర్, ది ఘోస్ట్ సినిమాలలో ఏ సినిమాకు పాజిటివ్ టాక్ వచ్చినా స్వాతిముత్యం సినిమాకు నష్టం కలుగుతుందని బెల్లంకొండ సురేష్ ఫీలవుతున్నారని తెలుస్తోంది. స్వాతిముత్యం సినిమాకు భారీ స్థాయిలో ఓపెనింగ్స్ రాకపోతే సినిమా రిజల్ట్ పై ప్రభావం పడుతుందని ఆయన భావిస్తున్నారని సమాచారం అందుతోంది. బుధవారం రోజున ఈ సినిమా రిలీజ్ అవుతుండటం కూడా ఈ సినిమా బెల్లంకొండ సురేష్ ను టెన్షన్ పెడుతోంది.
మరో రిలీజ్ డేట్ ను ఎంచుకుంటే మాత్రం ఈ సినిమాకు బెటర్ ఓపెనింగ్స్ వచ్చే అవకాశాలు అయితే ఉంటాయని చెప్పవచ్చు. బెల్లంకొండ గణేష్ కెరీర్ ఒక విధంగా ఈ సినిమాపైనే ఆధారపడి ఉందని చెప్పవచ్చు. గణేష్ తర్వాత ప్రాజెక్ట్ లతో సక్సెస్ లను సొంతం చేసుకోవాలని ఫ్యాన్స్ భావిస్తున్నారు. గాడ్ ఫాదర్, ది ఘోస్ట్ సినిమాలకు యావరేజ్ టాక్ వచ్చి స్వాతిముత్యం సినిమాకు పాజిటివ్ టాక్ వస్తే మాత్రం ఈ సినిమా చిన్న సినిమాలలో పెద్ద హిట్ గా నిలుస్తుంది.
ఈ మధ్య కాలంలో విడుదలైన సినిమాలేవీ సక్సెస్ సాధించకపోవడంతో టాలీవుడ్ బయ్యర్లు దసరా పండుగకు రిలీజ్ కానున్న సినిమాలపైనే ఆశలు పెట్టుకున్నారు. దసరాకు రిలీజ్ కానున్న సినిమాలు 250 కోట్ల రూపాయలకు పైగా కలెక్షన్లు సాధించే అవకాశాలు ఉన్నాయి.
Most Recommended Video
అల్లూరి సినిమా రివ్యూ & రేటింగ్!
‘బిగ్ బాస్ 6’ కంటెస్టెంట్ ఇనయ సుల్తానా గురించి ఆసక్తికర విషయాలు..!
‘బిగ్ బాస్6’ కంటెస్టెంట్ అభినయ శ్రీ గురించి 10 ఆసక్తికరమైన విషయాలు..!
Home