ఐదు సినిమాల కసి మొత్తం ఒక వెబ్ సిరీస్ తో వస్తుంది : తమన్నా

ఇప్పుడు స్టార్ హీరోయిన్లు సైతం వెబ్ సిరీస్ లలో నటించడానికి తెగ ఇంట్రెస్ట్ చూపిస్తున్నారు. భారీ పారితోషికం కూడా ఇవ్వడానికి ఆ వెబ్ సిరీస్ నిర్మాతలు కూడా రెడీ అనడం, ఇక తక్కువ రోజులు కేటాయిస్తే చాలు.. సినిమాల్లో కూడా దక్కని స్క్రీన్ టైం వెబ్ సిరీస్ లలో దొరకడం వంటివి.. ఆ స్టార్ హీరోయిన్లను అట్రాక్ట్ చేస్తున్నాయి. ఇప్పటికే సమంత ఓ వెబ్ సిరీస్ లో నటిస్తుంది.. తాజాగా తమన్నా కూడా ఈ లిస్ట్ లో చేరినట్టు తెలుస్తుంది. ‘ది నవంబర్ స్టోరి’ అనే టైటిల్ తో తెరకెక్కుతోన్న వెబ్ సిరీస్ లో తమన్నా నటిస్తుంది. తండ్రి కూతుళ్ళ మధ్య సాగే ఎమోషనల్ డ్రామాగా ఈ వెబ్ సిరీస్ తెరకెక్కుతోన్నట్టు తెలుస్తుంది.

త్వరలోనే ఈ వెబ్ సిరీస్ హాట్ స్టార్ లో స్ట్రీమింగ్ కాబోతుందని సమాచారం. రామ్ సుబ్రమణియన్ డైరెక్ట్ చేస్తున్న ఈ వెబ్ సిరీస్ ను ‘వికటన్ గ్రూప్’ వారు నిర్మిస్తున్నారట. తెలుగు తో పాటు తమిళంలో కూడా ఈ వెబ్ సిరీస్ తెరకెక్కిస్తున్నట్టు తెలుస్తుంది. ఇక తమన్నా వెబ్ సిరీస్ ల గురించి మాట్లాడుతూ.. ‘ఇక్కడ బంగారు భవిష్యత్ ఉంటుందని నిరూపించుకునేందుకు ఎక్కువ స్కోప్ ఉంది. ఐదు సినిమాలు చేసినా రాని అనుభవం ఒక్క వెబ్ సిరీస్ తో వచ్చేస్తుంది. ఆ కసి మొత్తం తీరిపోతుంది. ఇలాంటి వెబ్ సిరీస్ లు మరిన్ని చేయడానికి నేను సిద్ధంగా ఉన్నాను” అంటూ తమన్నా చెప్పుకొచ్చింది.

అర్జున్ సురవరం సినిమా రివ్యూ & రేటింగ్!
రాజా వారు రాణి గారు సినిమా రివ్యూ & రేటింగ్!