Thaman, Sai Dharam Tej: మీ ప్రార్థనలు పని చేస్తున్నాయన్న తమన్‌!

September 30, 2021 / 01:47 PM ISTByFilmy Focus

Join Us

Thaman, Sai Dharam Tej: మీ ప్రార్థనలు పని చేస్తున్నాయన్న తమన్‌!

ప్రమాదంలో గాయపడ్డ సాయిధరమ్‌ తేజ్‌ ఆరోగ్యం గురించి సన్నిహితులు ఒక్కొక్కరు ఒక్కోలా మాట్లాడుతుండటంతో అభిమానులు, తెలుగు రాష్ట్ర ప్రజల్లో చిన్నపాటి ఆందోళన కలిగింది. అసలు తేజ్‌ ఆరోగ్యం ఎలా ఉంది అంటూ ప్రశ్నలు సోషల్‌ మీడియాలో కనిపిస్తున్నాయి. తాజాగా ప్రముఖ సంగీత దర్శకుడు తమన్‌… తేజ్‌ ఆరోగ్యంపై స్పందించాడు. తన ట్విటర్‌ ఖాతాలో తేజ్‌ హెల్త్‌ అప్‌డేట్‌ ఇచ్చాడు. ‘‘మీ ప్రార్థనలు ఫలిస్తున్నాయి. నా స్నేహితుడు సాయిధరమ్‌ తేజ్‌ కోలుకుంటున్నాడు.

త్వరలో నిన్ను కలవడానికి ఆసక్తిగా ఎదురుచూస్తున్నాను’’ అంటూ తమన్‌ ట్వీట్‌ చేశాడు. దీంతో తమన్‌ ఆరోగ్యం విషయంలో మరొక క్లారిటీ రావడం అభిమానులు ఊపిరి పీల్చుకున్నారు. ఇటీవల ప్రముఖ దర్శకుడు, తేజ్‌తో ‘రిపబ్లిక్‌’ సినిమా తీసిన దేవా కట్టా కూడా ఇదే విషయం చెప్పారు. ‘రిపబ్లిక్‌’ ప్రిరిలీజ్‌ ఈవెంట్‌లో పవన్‌ కల్యాణ్‌ మాటలతో తేజ్‌ ఆరోగ్యంపై ఆందోళన కలిగింది. ‘సాయిధరమ్‌తేజ్ అక్కడ కోమాలో ఉన్నాడు.

కళ్లు తెరవలేదు’ అంటూ ఆవేశంగా చెప్పారు పవన్‌. అయితే ఇప్పుడు తేజ్‌ సన్నిహితులు చెబుతున్న అప్‌డేట్స్‌ చూస్తుంటే… పవన్‌ చెప్పింది యాక్సిడెంట్‌ అయిన రోజు గురించి అనిపిస్తోంది.