తమన్ పూర్తిచేసేశాడు.. అయినా దీపావళికి టీజర్ లేనట్టేనట..!

November 7, 2020 / 12:05 PM ISTByFilmy Focus

Join Us

తమన్ పూర్తిచేసేశాడు.. అయినా దీపావళికి టీజర్ లేనట్టేనట..!

పవర్ స్టార్ పవన్ కళ్యాణ్ నటిస్తున్న ‘వకీల్ సాబ్’ చిత్రం షూటింగ్ మరో రెండు షెడ్యూల్స్ పూర్తయితే ఫినిష్ అయిపోతుందని ఇన్సైడ్ టాక్. వేణు శ్రీరామ్ డైరెక్ట్ చేస్తున్న ఈ చిత్రాన్ని దిల్ రాజు, బోణి కపూర్లు కలిసి నిర్మిస్తున్నారు. ఈ మధ్యనే పవన్ కళ్యాణ్ కూడా షూటింగ్లో జాయిన్ అయ్యాడు. ఇందులో భాగంగా హైదరాబాద్ మెట్రో ట్రైన్లో ఆయన సందడి చేసిన సంగతి తెలిసిందే. అందుకు సంబంధించిన ఫోటోలు కూడా నెట్టింట్లో హల్ చల్ చేసాయి.

సరే ఈ విషయాన్ని పక్కన పెడితే..ఇప్పటికే ‘వకీల్ సాబ్’ చిత్రం షూటింగ్ 70శాతం పైనే పూర్తయ్యింది. అయినా సరే ఇంకా ఈ చిత్రం నుండీ టీజర్ ను విడుదల చెయ్యలేదు. కనీసం 30శాతం షూటింగ్ కూడా పూర్తవ్వకుండానే ‘బాలయ్య-బోయపాటి’ ల సినిమాకి సంబంధించి అద్బుతమైన టీజర్ ను కట్ చేసి విడుదల చేశారు. అయితే ‘వకీల్ సాబ్’ టీజర్ ను ఇంకా విడుదల చెయ్యకపోవడమేంటి అనేది అర్ధం కానీ ప్రశ్న. దసరా కానుకగా విడుదల చేస్తారు అని ఆశించిన ఫ్యాన్స్ కు నిరాశే ఎదురైంది. కనీసం ‘దీపావళికి అయినా టీజర్ ను విడుదల చేస్తారులే’ అని ఫ్యాన్స్ ఎదురుచూస్తున్నారు.

కానీ అది కూడా వర్కౌట్ అయ్యేలా కనిపించడం లేదు. ఈ మధ్యనే మ్యూజిక్ డైరెక్టర్ తమన్.. టీజర్ కు సంబంధించి బ్యాక్ గ్రౌండ్ స్కోర్ పనులను ఫినిష్ చేసాడట.తన వంతు బాధ్యతను తను ఫినిష్ చేసాడని స్పష్టమవుతుంది. కానీ దర్శకనిర్మాతలు టీజర్ ను విడుదల చేసే ప్రయత్నాలు ఏమీ చెయ్యడం లేదని వినికిడి. డిసెంబర్ వరకూ టీజర్ ను విడుదల చేసే ఆలోచనే వారికి లేనట్టు ఇన్సైడ్ టాక్. ఏమైనా పవన్ ఫ్యాన్స్ కు దీపావళి రోజున కూడా నిరాశ తప్పదేమో..!