టాలీవుడ్ యంగ్ హీరో నాగచైతన్య (Naga Chaitanya) ప్రధాన పాత్రలో నటిస్తున్న ‘తండేల్’ (Thandel) సినిమా ఈ మధ్య కాలంలో మంచి క్రేజ్ సంపాదించింది. ‘కార్తికేయ-2’తో (Karthikeya 2) నేషనల్ అవార్డ్ అందుకున్న దర్శకుడు చందూ మొండేటి (Chandoo Mondeti) ఈ చిత్రాన్ని డైరెక్ట్ చేస్తున్నారు. ఉత్తరాంధ్ర మత్స్యకారుల జీవితంలో జరిగిన సంఘటనలను ప్రధానంగా చూపిస్తూ రూపొందిస్తున్న ఈ చిత్రంలో సాయి పల్లవి (Sai Pallavi) కథానాయికగా నటిస్తోంది. లవ్ స్టోరీ (Love Story) తర్వాత మరోసారి చైతూ, సాయి పల్లవి కాంబినేషన్‌లో వస్తున్న ఈ సినిమాపై ప్రేక్షకుల్లో భారీ అంచనాలు నెలకొన్నాయి.
ఇప్పటివరకు చిత్ర యూనిట్ రిలీజ్ చేసిన టీజర్లు, పోస్టర్లు ప్రేక్షకులను బాగా ఆకట్టుకున్నాయి. మేకర్స్ కూడా డిసెంబర్ 20న క్రిస్మస్ కానుకగా సినిమాను రిలీజ్ చేయాలని భావించారు. కానీ తాజాగా వచ్చే సమాచారం ప్రకారం, పోస్ట్ ప్రొడక్షన్ పనులు ఆలస్యం కావడం వలన రిలీజ్ చేయడం కష్టమని తెలుస్తోంది. అందుకే సంక్రాంతి సీజన్‌కు ‘తండేల్’ను విడుదల చేయాలని మేకర్స్ యోచిస్తున్నట్లు టాక్ వినిపిస్తోంది. సంక్రాంతి ఒక బిగ్గెస్ట్ ఫెస్టివల్ సీజన్ కావడంతో ఈ సమయం సినిమా రిలీజ్‌కు ఉత్తమం.
బాలయ్య, రామ్ చరణ్ వంటి స్టార్ హీరోల సినిమాలు కూడా సంక్రాంతికి రిలీజ్ కానున్నాయి. ఇలాంటి టైంలో మంచి పబ్లిసిటీతో ఉన్న ‘తండేల్’ కూడా సంక్రాంతికి రిలీజ్ అయితే సురక్షితమైన ఆప్షన్ అని సినీ విశ్లేషకులు అభిప్రాయపడుతున్నారు. కానీ మళ్ళీ రిపబ్లిక్ డే లేదా వాలెంటైన్స్ డేకి రిలీజ్ చేసేందుకు మేకర్స్ ప్లాన్ చేస్తున్నట్లు ప్రచారం సాగుతోంది. థియేటర్స్ విషయంలో మళ్ళీ కన్ఫ్యూజన్ వచ్చినట్లు టాక్ వస్తోంది. తండేల్ ను మరో డేట్ కు షిఫ్ట్ చేయాలనే విధంగా చర్చలు జరుగుతున్నట్లు టాక్ అయితే వస్తోంది.
దీంతో తండేల్ నిజంగానే సంక్రాంతి నుంచి డ్రాప్ అవుతోందా? లేదంటే తప్పిస్తున్నారా? అనేలా డౌట్స్ క్రియేట్ అవుతున్నాయి. ఈ నేపథ్యంలో నెటిజన్లు తమ అభిప్రాయాలను వ్యక్తం చేస్తున్నారు. సంక్రాంతి మించిన బెస్ట్ సీజన్ లేకపోవడం వలన ‘తండేల్’ అప్పుడే రిలీజ్ కావాలని కోరుకుంటున్నారు. మేకర్స్ ఈ నిర్ణయంపై మరింత స్పష్టత ఇవ్వకపోవడంతో అభిమానులు కొంత అసహనం వ్యక్తం చేస్తున్నారు. మేకర్స్ సరైన నిర్ణయం తీసుకుంటారనే నమ్మకంతో అందరూ ఎదురు చూస్తున్నారు.
Home