టాలీవుడ్ యంగ్ హీరో అఖిల్ అక్కినేని (Akhil Akkineni) కి గత సినిమాలతో పెద్దగా విజయం దక్కలేదనే చెప్పాలి. ముఖ్యంగా ‘ఏజెంట్’ (Agent) చిత్రం భారీ బడ్జెట్ తో తెరకెక్కి బాక్సాఫీస్ వద్ద దారుణంగా ఫెయిల్ అవడంతో ఒక్కసారిగా మార్కెట్ డౌన్ అయ్యింది. ఆ సినిమా ఫ్లాప్ తర్వాత అఖిల్ కొంత విరామం తీసుకుని, మంచి కంటెంట్ ఉన్న కథలు ఎంచుకుంటారని భావించారు. కానీ ఇప్పటికీ అఖిల్ మళ్లీ భారీ బడ్జెట్ సినిమాలవైపు అడుగులు వేస్తున్నట్టే కనిపిస్తోంది.
ప్రస్తుతం అఖిల్ రెండు సినిమాలకు గ్రీన్ సిగ్నల్ ఇచ్చినట్లు టాక్. వాటిలో ఒకటి యూవీ క్రియేషన్స్ బ్యానర్ పై, కొత్త డైరెక్టర్ అనిల్ దర్శకత్వంలో తెరకెక్కుతోంది. మరోటి అన్నపూర్ణ స్టూడియోస్ నిర్మాణంలో, ‘వినరో భాగ్యము విష్ణు కథ’ (Vinaro Bhagyamu Vishnu Katha) ఫేమ్ మురళి అబ్బురు డైరెక్షన్ లో రూపొందుతోంది. ఒక్కో ప్రాజెక్టు బడ్జెట్ అని టాక్. ఇక ఈ రెండు సినిమాలు కలిసి సుమారు రూ.200 కోట్ల బడ్జెట్ తో ఉంటాయని తెలుస్తోంది. ఒకవైపు యూవీ క్రియేషన్స్ సినిమా యాక్షన్ చిత్రంగా రూపొందుతుండగా, అన్నపూర్ణ స్టూడియోస్ చిత్రం పీరియడ్ డ్రామాగా తెరకెక్కనుంది.
అఖిల్ గతంలో ‘మోస్ట్ ఎలిజిబుల్ బ్యాచిలర్’ (Most Eligible Bachelor) చిత్రం మాత్రమే బాక్సాఫీస్ వద్ద విజయవంతమైంది, అది కూడా తక్కువ బడ్జెట్ తో గీతా ఆర్ట్స్ నిర్మించిన సినిమా. పెద్ద బడ్జెట్ పెట్టి తీసిన సినిమాలు అఖిల్ కు అనుకున్నంత సక్సెస్ ఇవ్వకపోవడంతో, చిన్న సినిమాలు తీస్తే రిస్క్ తక్కువగా ఉంటుందని సినీ విశ్లేషకులు అభిప్రాయపడుతున్నారు. కానీ మరోసారి భారీ బడ్జెట్ సినిమాలపై అఖిల్ వెళ్లడం ఆశ్చర్యంగా మారింది.
అయితే వీటిలో అఖిల్ వ్యూహం ఏమిటో చెప్పడం కష్టం. కానీ భారీ బడ్జెట్ సినిమాలు విజయవంతం కాకపోతే అతని మార్కెట్ పై నెగెటివ్ ఇంపాక్ట్ పడే అవకాశముంది. ఆపై ఓటీటీ డీల్స్ కూడా సరిగ్గా కుదరకపోతే, తద్వారా పెట్టుబడులు వృథాగా మిగలవచ్చు. ఫలానా లాభాలు కంటే, మంచి కథా కథనాలు మరియు కంటెంట్ పై దృష్టి పెడితేనే రిస్క్ తగ్గుతుందని సినీ పండితులు సూచిస్తున్నారు. మరి అఖిల్ ఈ సారి విజయం సాధిస్తాడో లేదో చూడాలి.
Home