ప్రభాస్ (Prabhas) తాజా ప్యాన్ ఇండియన్ సినిమా “రాజా సాబ్” (The Raja Saab) టీజర్ రేపు విడుదలవుతున్న విషయం తెలిసిందే. మారుతి దర్శకత్వంలో తెరకెక్కుతున్న ఈ చిత్రాన్ని పీపుల్స్ మీడియా ఫ్యాక్టరీ సంస్థ నిర్మిస్తోంది. ప్రభాస్ సరసన మాళవిక మోహనన్, నిధి అగర్వాల్ లు హీరోయిన్లుగా నటిస్తున్న ఈ చిత్రంలో మిగతా కీ క్యాస్టింగ్ ఎవరు అనే విషయం ఇంకా ఎవరికీ తెలియదు. రేపు (జూన్ 16) విడుదలవ్వబోయే టీజర్ తోనే అందరికీ ఒక క్లారిటీ వస్తుంది.
అయితే.. ఈ టీజర్ లాంచ్ ఈవెంట్ ను భారీ స్థాయిలో ప్లాన్ చేశారు “రాజా సాబ్” (The Raja Saab) బృందం. ఉదయం ఐమాక్స్ లో ప్రభాస్ భారీ కటౌట్ నుంచి లాంచ్ చేయడంతో మొదలుకానున్న ఈ ఈవెంట్, అనంతరం అదే థియేటర్ లార్జ్ స్క్రీన్ లో టీజర్ లాంచ్, అనంతరం అజీజ్ నగర్ లోని పీపుల్స్ మీడియా ఫ్యాక్టరీ సెట్ విజిటింగ్ మరియు అల్యూనియం ఫ్యాక్టరీ సెట్ విజిట్ లతో ఫుల్ ప్యాక్ షెడ్యూల్ ప్లాన్ చేశారు.
దాదాపుగా ఒకరోజు మొత్తం నేషనల్ మీడియా.. అనగా తెలుగు, హిందీ, కన్నడ, తమిళ, మలయాళ మీడియా ప్రతినిధులు “రాజా సాబ్” (The Raja Saab) టీమ్ తోనే ఉండనున్నారు. మరి ప్రభాస్ రోజు మొత్తం ఉండే చాన్స్ లేదు కాబట్టి టీజర్ లాంచ్ కి హాజరయ్యే అవకాశాలున్నాయి. ఈ దెబ్బకి ఇండియా మొత్తం “రాజా సాబ్” కంటెంట్ తో దద్దరిల్లుతుంది.
ఒకరోజు మొత్తం ఈవెంట్ ప్లాన్ చేయడం బహుశా ఇదే మొదటిసారి కావచ్చు. ఆల్రెడీ నేషనల్ మీడియా ప్రతినిధులు హైదరాబాద్ చేరుకున్నారు. ఎలాంటి అపశృతులు జరగకుండా నిర్వాహకులు జాగ్రత్తపడగలిగితే.. “రాజా సాబ్” టీజర్ లాంచ్ ఈవెంట్ చరిత్రలో నిలిచిపోతుంది. ఈ ఈవెంట్ లైవ్ అప్డేట్స్ కోసం ఫిల్మీఫోకస్ సోషల్ మీడియా పేజెస్ ఫాలో అవ్వండి!
Home