ఈ నెల 7వ తేదీన హైదరాబాద్ లో హనుమాన్ ప్రీ రిలీజ్ ఈవెంట్ జరుగుతున్న సంగతి తెలిసిందే. చిరంజీవి ఈ ఈవెంట్ కు గెస్ట్ గా హాజరవుతుండగా ప్రీ రిలీజ్ ఈవెంట్ గ్రాండ్ గా జరగనుంది. ప్రీ రిలీజ్ ఈవెంట్ లో ఈ సినిమా నుంచి మరో ట్రైలర్ విడుదల కానుంది. అయితే మొదట ఈ ఈవెంట్ కు ప్రభాస్ వస్తారని ప్రచారం జరగగా ఆ ప్రచారం నిజం కాలేదు. అయితే హనుమాన్ ఈవెంట్ కు ప్రభాస్ హ్యాండ్ ఇవ్వడానికి అసలు కారణాలు వేరే ఉన్నాయని తెలుస్తోంది.
స్టార్ హీరో ప్రభాస్ వేర్వేరు కారణాల వల్ల సలార్ మూవీ ప్రమోషన్స్ లో సైతం ఎక్కువగా పాల్గొనలేదు. మరోవైపు ప్రభాస్ వరుసగా క్రేజీ ప్రాజెక్ట్ లలో నటిస్తున్న సంగతి తెలిసిందే. ప్రస్తుతం ప్రాజెక్ట్ కే సినిమా కోసం ప్రభాస్ లుక్ ను మార్చుకునే పనిలో బిజీగా ఉన్నారని హనుమాన్ ఈవెంట్ కు హాజరైతే ఆ లుక్ రివీల్ అవుతుందని భావించి వెనక్కి తగ్గారని తెలుస్తోంది. హనుమాన్ ఈవెంట్ కు ప్రభాస్ రాకపోవడం వెనుక అసలు కథ ఇదేనని సమాచారం అందుతోంది.
హనుమాన్ మూవీ కలెక్షన్ల విషయంలో సంచలనాలు సృష్టిస్తుందని కామెంట్లు వినిపిస్తున్నాయి. హనుమాన్ మూవీకి ఆశించిన స్థాయిలో సింగిల్ స్క్రీన్స్ దొరకకపోయినా మల్టీప్లెక్స్ లలో మాత్రం భారీ సంఖ్యలో స్క్రీన్లు దక్కాయి. పాజిటివ్ టాక్ వస్తే హనుమాన్ మూవీ సృష్టించే సంచలనాలు మామూలుగా ఉండవు. నైజాంలో మైత్రీ మూవీ మేకర్స్ నిర్మాతలు ఈ సినిమాను రిలీజ్ చేస్తున్నారు.
అన్ని సినిమాలకు అడ్వాన్స్ బుకింగ్స్ మొదలైతే ఏ సినిమా ఎన్ని థియేటర్లలో విడుదలవుతుందో స్పష్టత వచ్చే ఛాన్స్ అయితే ఉంటుంది. హనుమాన్ సినిమాకు భారీ స్థాయిలో ప్రమోషన్స్ చేయడం కూడా ఈ సినిమాకు ప్లస్ అవుతోంది. హనుమాన్ మూవీ 2024 బిగ్గెస్ట్ హిట్లలో ఒకటిగా నిలవాలని ఫ్యాన్స్ ఫీలవుతున్నారు. హనుమాన్ మూవీ బాక్సాఫీస్ ను ఏ రేంజ్ లో షేక్ చేస్తుందో చూడాల్సి ఉంది.
ఈ ఏడాది ప్రేక్షకుల్ని ఆకట్టుకున్న తెలుగు సినిమాలు!
ఈ ఏడాది వచ్చిన 10 రీమేక్ సినిమాలు… ఎన్ని హిట్టు.. ఎన్ని ఫ్లాప్?
ఈ ఏడాది ప్రేక్షకులు తలపట్టుకొనేలా చేసిన తెలుగు సినిమాలు!
