గత కొన్నేళ్లలో తెలుగు సినిమాల బడ్జెట్లు ఊహించని స్థాయిలో పెరగడంతో పాటు ప్రేక్షకులు సైతం ఎంత పెద్ద హీరో నటించినా రొటీన్ మాస్ మసాలా సినిమాలను చూడటానికి ఆసక్తి చూపడం లేదు. సినిమాలో ఫస్టాఫ్ ప్రేక్షకులకు నచ్చేలా ఉండి సెకండాఫ్ అంచనాలను అందుకోలేకపోయినా సినిమాలు ఫ్లాప్ అవుతున్న సందర్భాలు ఉన్నాయి. ఇతర భాషల ప్రేక్షకులను సైతం మెప్పించాలంటే కథల విషయంలో ఎన్నో జాగ్రత్తలు తప్పనిసరి అనే సంగతి తెలిసిందే. అయితే ప్రస్తుతం టాలీవుడ్ స్టార్ హీరోలు నిదానమే ప్రధానం అనే సామెతను ఫాలో అవుతున్నారు.
ఎన్టీఆర్ కొరటాల కాంబో మూవీ షూటింగ్ ఎప్పుడు మొదలవుతుందో ఎన్టీఆర్ ఫ్యాన్స్ కు సైతం క్లారిటీ లేదు. వాస్తవానికి కొరటాల శివ ఎన్టీఆర్ సినిమాకు సంబంధించిన స్క్రిప్ట్ ను రెండు నెలల క్రితమే పూర్తి చేశారు. అయితే ఆచార్య ఫ్లాప్ వల్ల ఈ స్క్రిప్ట్ పై కొరటాల శివ మళ్లీ వర్క్ చేస్తున్నారని సమాచారం అందుతోంది. ఆగష్టు నుంచి ఈ సినిమా రెగ్యులర్ షూట్ మొదలవుతుందని ప్రచారం జరుగుతోంది.
మరోవైపు బన్నీ నటిస్తున్న పుష్ప ది రూల్ విషయంలో కూడా ఇదే రిపీట్ అవుతోంది. సుకుమార్ పుష్ప ది రూల్ స్క్రిప్ట్ విషయంలో ఎన్నో జాగ్రత్తలు తీసుకుంటూ ఉండటంతో ఈ సినిమా షూట్ అంతకంతకూ ఆలస్యమవుతోంది. మహేష్ త్రివిక్రమ్ కాంబో మూవీ సైతం స్క్రిప్ట్ వర్క్ వల్లే ఆలస్యమవుతోంది. నిదానమే ప్రధానమని భావిస్తున్న టాలీవుడ్ స్టార్ హీరోలు ఈ సినిమాలతో కచ్చితంగా బాక్సాఫీస్ వద్ద సక్సెస్ ను సొంతం చేసుకునేలా జాగ్రత్తలు తీసుకుంటున్నారు.
వచ్చే ఏడాది సమ్మర్ టార్గెట్ గా ఈ సినిమాల షూటింగ్ లు జరుగుతున్నాయి. టాలీవుడ్ స్టార్ హీరోలు తర్వాత ప్రాజెక్ట్ లతో కూడా బాక్సాఫీస్ వద్ద సంచలనాలు సృష్టిస్తారో లేదో చూడాల్సి ఉంది. టాలీవుడ్ స్టార్ హీరోలలో మెజారిటీ హీరోలు స్టార్ డైరెక్టర్ల డైరెక్షన్ లో నటించడానికి ఆసక్తి చూపుతున్నారు.
Most Recommended Video
‘ఆర్.ఆర్.ఆర్’, ‘అంటే..’ తో పాటు ఎక్కువ నిడివితో వచ్చిన లేటెస్ట్ సినిమాల లిస్ట్..!
‘2.0’ టు ‘విక్రమ్’ తమిళ్ లో భారీ కలెక్షన్లు రాబట్టిన 10 సినిమాల లిస్ట్..!
ఎన్టీఆర్, నాగ చైతన్య.. టు కీర్తి సురేష్, ‘గుండమ్మ కథ’ రీమేక్ కు సూట్ అయ్యే 10 మంది స్టార్లు..!
Home