ఆనంద్ దేవరకొండ, వైష్ణవి చైతన్య కాంబినేషన్ లో తెరకెక్కిన బేబీ మూవీ భారీ స్థాయిలో కలెక్షన్లను సాధిస్తున్న సంగతి తెలిసిందే. ఈ సినిమాలో వైష్ణవి రోల్ విషయంలో ప్రేక్షకుల నుంచి భిన్నాభిప్రాయాలు వ్యక్తమవుతున్నాయి. ఈ రోల్ రిస్కీ రోల్ కాగా అద్భుతంగా నటించే టాలెంట్ ఉంటే మాత్రమే ఆ పాత్రలో మెప్పించడం సాధ్యమవుతుంది. వైష్ణవి చైతన్య తన పాత్రకు పూర్తిస్థాయిలో న్యాయం చేశారు. అయితే కథ విన్న సమయంలో మాత్రం ఈ రోల్ లో నటించడానికి వైష్ణవి చైతన్య భయపడ్డారట.
అయితే దర్శకుడు సాయి రాజేశ్ బేబీ సినిమా వల్ల వైష్ణవికి నెగిటివ్ గా జరిగితే రెండు సినిమాల్లో మంచి హీరోయిన్ రోల్స్ ఇస్తానని అగ్రిమెంట్ ద్వారా హామీ ఇవ్వడంతో (Vaishnavi) వైష్ణవి చైతన్య ఈ సినిమాలో అంగీకరించడం జరిగిందని తెలుస్తోంది. అయితే బేబీ సినిమా మాత్రం బడ్జెట్ తో పోల్చి చూస్తే మూడు నుంచి నాలుగు రెట్లు లాభాలను అందిస్తోంది. 10 కోట్ల రూపాయల బడ్జెట్ తో తెరకెక్కిన ఈ సినిమా అన్ని వర్గాల ప్రేక్షకులను మెప్పించింది.
ఆనంద్, విరాజ్ సినీ కెరీర్ కు కూడా ఈ సినిమా ప్లస్ అవుతుందని చెప్పవచ్చు. ఆనంద్, విరాజ్ భవిష్యత్తులో కథా బలం ఉన్న సినిమాలను ఎంచుకుంటే కెరీర్ పరంగా మరింత ఎదిగే అవకాశం అయితే ఉంటుంది. కంటెంట్ ఉంటే చిన్న సినిమాలకు సైతం కళ్లు చెదిరే స్థాయిలో కలెక్షన్లు వస్తాయని ఈ సినిమా ప్రూవ్ చేసింది.
బేబీ డైరెక్టర్ సాయి రాజేశ్ తర్వాత ప్రాజెక్ట్ లకు సంబంధించి స్పష్టత రావాల్సి ఉంది. ఈ డైరెక్టర్ రాబోయే రోజుల్లో మరిన్ని విజయాలను అందుకోవాలని కామెంట్లు వినిపిస్తున్నాయి. స్టార్ హీరోలు ఎవరైనా ఛాన్స్ ఇస్తే సాయి రాజేష్ కెరీర్ పరంగా మరింత ఎదిగే ఛాన్స్ అయితే ఉంది. ఈ సినిమా సక్సెస్ తో సాయి రాజేష్ రెమ్యునరేషన్ కూడా రికార్డ్ స్థాయిలో పెరిగే అవకాశం ఉందని తెలుస్తోంది.
పాత్ర కోసం ఇష్టాలను పక్కన పడేసిన నటులు వీళ్లేనా..!
సీరియల్ హీరోయిన్స్ రెమ్యూనరేషన్ తెలిస్తే మతిపోతోంది !
ఈ వారం థియేటర్/ ఓటీటీల్లో సందడి చేయబోతున్న 19 సినిమాలు/ సిరీస్ లు
Home