Pawan Kalyan: స్టార్ హీరో పవన్ మంచితనానికి ఇంతకంటే సాక్ష్యం కావాలా?

టాలీవుడ్ స్టార్ హీరోలలో ఒకరైన పవన్ కళ్యాణ్ ప్రమాణ స్వీకారం చేసిన ఫోటోలు, వీడియోలు నెట్టింట వైరల్ అయ్యాయి. పవన్ కళ్యాణ్ కు (Pawan Kalyan) డిప్యూటీ సీఎం పదవి ఇచ్చారని అమిత్ షా, చిరంజీవి (Chiranjeevi) సోషల్ మీడియా వేదికగా చేసిన ట్వీట్స్ తో క్లారిటీ వచ్చింది. పవన్ కు హోం శాఖ కేటాయిస్తారని ప్రచారం జరుగుతుండగా ఆ ప్రచారం విషయంలో సైతం మరికొన్ని గంటల్లో పూర్తిస్థాయిలో స్పష్టత వచ్చే ఛాన్స్ ఉంటుంది.

అయితే పవన్ గతంలో చేసిన మంచి పనులు ప్రస్తుతం సోషల్ మీడియా వేదికగా వైరల్ అవుతోంది. ప్రముఖ నటుడు నాగ మహేష్ (Naga Mahesh) ఒక ఇంటర్వ్యూలో మాట్లాడుతూ పవన్ మంచితనం గురించి ఆసక్తికర వ్యాఖ్యలు చేశారు. ఒక సినిమా షూట్ సమయంలో ప్రొడక్షన్ వర్కర్లకు నాసిరకం భోజనం పెడుతున్నారని గమనించి పవన్ కళ్యాణ్ ఫీలయ్యారని ఆయన చెప్పుకొచ్చారు. ఆ ఫుడ్ క్వాలిటీ బాలేదని తెలిసి నిర్మాతతో ఫుడ్ గురించి పవన్ మాట్లాడారట.

అవసరం అనుకుంటే నా పారితోషికంలో కోటి రూపాయలు తగ్గించినా పరవాలేదని నాకు ఎలాంటి భోజనం పెడతారో ప్రొడక్షన్ వర్కర్లకు సైతం అలాంటి భోజనం పెట్టాలని చెప్పారట. పవన్ కళ్యాణ్ అలా చెప్పిన తర్వాత నిర్మాత ప్రొడక్షన్ వర్కర్లు తినే ఫుడ్ విషయంలో జాగ్రత్తలు తీసుకున్నారట. ఈ విషయం తెలిసిన నెటిజన్లు పవన్ కళ్యాణ్ మంచి మనస్సును మెచ్చుకుంటున్నారు.

త్వరలో పవన్ కళ్యాణ్ ఇప్పటికే గ్రీన్ సిగ్నల్ ఇచ్చిన సినిమాలను పూర్తి చేయడంపై దృష్టి పెట్టనున్నారని కామెంట్లు వ్యక్తమవుతున్నాయి. హరిహర వీరమల్లు (Hari Hara Veera Mallu) , ఓజీ (OG), ఉస్తాద్ భగత్ సింగ్ (Ustaad Bhagat Singh) సినిమాలలో ఏ సినిమా మొదట విడుదలవుతుందో తెలియాల్సి ఉంది. పవన్ ప్రస్తుతం నటిస్తున్న సినిమాల బడ్జెట్ 600 కోట్ల రూపాయల కంటే ఎక్కువ మొత్తమని సమాచారం అందుతోంది. పవన్ కెరీర్ ప్లాన్స్ ఏ విధంగా ఉంటాయో చూడాల్సి ఉంది.