Pawan Kalyan: లండన్ మేయర్ అభ్యర్థి పవన్ మద్దతు కోరడానికి కారణాలివేనా?

జనసేన అధినేత, సినీ నటుడు పవర్ స్టార్ పవన్ కళ్యాణ్ ప్రేక్షకుల్లో ఏ రేంజ్ లో క్రేజ్ ను పెంచుకున్నారో ప్రత్యేకంగా చెప్పాల్సిన అవసరం లేదు. రాజకీయాల్లో సైతం సంచలనాలు సృష్టించాలని పవన్ భావిస్తుండగా ఏపీ, తెలంగాణ రాష్ట్రాలలో ఈ పార్టీకి ఎలాంటి ఫలితాలు వస్తాయో చూడాల్సి ఉంది. అయితే ఇతర దేశాల్లో కూడా పవన్ కు ఊహించని స్థాయిలో ఫ్యాన్ ఫాలోయింగ్ ఉండటం గమనార్హం. లండన్ మేయర్ ఎన్నికల్లో భారత సంతతికి చెందిన తరుణ్ గులాటీ పోటీ చేస్తుండగా ఆయన తాజాగా హైదరాబాద్ లో జనసేన అధినేత పవన్ ను కలిసి పవన్ మద్దతు కోరారు.

తాను ఇండిపెండెంట్ అభ్యర్థిగా పోటీ చేస్తున్నానని తాను పోటీ చేసే ప్రాంతంలో పవన్ అభిమానులు, జనసైనికులు ఎక్కువగా ఉన్నారని తరుణ్ గులాటీ అభిప్రాయం వ్యక్తం చేశారు. తరుణ్ గులాటీ అభ్యర్థనను పవన్ స్వాగతించారని తరుణ్ గులాటీని అభినందించారని జనసేన ఒక ప్రకటనలో పేర్కొంది. తన ఫ్యాన్స్, జనసేన శ్రేణులు, తెలుగు వాళ్లు, భారతీయులు తరుణ్ గులాటీ సక్సెస్ కు కృషి చేయాలని పవన్ కోరినట్లు ఈ ప్రకటనలో పేర్కొనడం గమనార్హం.

పవన్ (Pawan Kalyan) పొలిటికల్ కార్యక్రమాలతో బిజీ కావడంతో ఆయన సినిమాలు ఆలస్యం అవుతున్నాయని తెలుస్తోంది. జనసేన అధినేత పవన్ కళ్యాణ్ పోటీ చేసే నియోజకవర్గాల గురించి త్వరలో పూర్తిస్థాయిలో స్పష్టత రానుంది. పవన్ ను అభిమానించే ఫ్యాన్స్ సంఖ్య పెరుగుతుండగా భారీ ప్రాజెక్ట్ లకు పవన్ ఓటేస్తున్నారు.

2024 ఏపీ ఎన్నికలు పూర్తయ్యే వరకు పవన్ కళ్యాణ్ పూర్తిస్థాయిలో రాజకీయాలతో బిజీ కానున్నారని సమాచారం అందుతోంది. సినిమా సినిమాకు పవన్ కళ్యాణ్ కు క్రేజ్ అంతకంతకూ పెరుగుతోంది. పవన్ కళ్యాణ్ సినిమాలు అంతకంతకూ ఆలస్యం కావడం అభిమానులను హర్ట్ చేస్తోంది. 2024 సెకండాఫ్ లో పవన్ సినిమాలు రిలీజయ్యే అవకాశాలు ఉన్నాయి.

మా ఊరి పొలిమేర 2 సినిమా రివ్యూ & రేటింగ్!

కీడా కోలా సినిమా రివ్యూ & రేటింగ్!
నరకాసుర సినిమా రివ్యూ & రేటింగ్!