Thug Life First Review: విక్రమ్ రేంజ్ హిట్.. కమల్ కి దక్కేనా?

కమల్ హాసన్ (Kamal Haasan) హీరోగా ‘థగ్ లైఫ్’ (Thug Life) రూపొందింది.దాదాపు 38 ఏళ్ళ తర్వాత మణిరత్నం (Mani Ratnam) దర్శకత్వంలో కమల్ చేసిన మూవీ ఇది. గతంలో వీరి కాంబినేషన్లో వచ్చిన ‘నాయగన్’ సినిమా సంచలన విజయాన్ని నమోదు చేసింది. తమిళంలో బ్లాక్ బస్టర్ గా నిలిచింది. తెలుగులో కూడా బాగా ఆడింది. ఇక ‘థగ్ లైఫ్’ సినిమాపై తమిళంతో పాటు తెలుగులో కూడా భారీ అంచనాలు నెలకొన్నాయి. త్రిష (Trisha) , అభిరామి (Abhirami) హీరోయిన్లుగా నటిస్తుండగా, మరో తమిళ స్టార్ హీరో శింబు (Silambarasan) కూడా ఇందులో కీలక పాత్ర పోషిస్తున్నారు.

Thug Life First Review:

కమల్ హాసన్ ఈ సినిమాలో రంగరాయ శక్తివేల్ పాత్రలో కనిపించనున్నారు. టీజర్, ట్రైలర్స్ చూడటానికి చాలా ప్రామిసింగ్ గా అనిపించాయి. ముఖ్యంగా విజువల్స్, యాక్షన్ బ్లాక్స్ ఆసక్తిని పెంచాయి. తెలుగులో ఈ సినిమాని నితిన్ (Nithiin Kumar) తండ్రి సుధాకర్ రెడ్డి రిలీజ్ చేస్తున్నారు. ఆల్రెడీ కొంతమంది సినీ ప్రముఖులకు వారు స్పెషల్ షో వేయడం జరిగింది. షో అనంతరం సినిమా చూసిన వాళ్ళు తమ అభిప్రాయాన్ని తెలియజేశారు. వారి టాక్ ప్రకారం ‘థగ్ లైఫ్’ రన్ టైం 2 గంటల 43 నిమిషాలు ఉంటుందట.

ఫస్ట్ హాఫ్ ఫ్లాష్ బ్యాక్ ఎపిసోడ్ తో మొదలవుతుందట. యాక్షన్ ఎపిసోడ్స్, విజువల్స్ అన్నీ గ్రాండియర్ గా అనిపిస్తాయట. ఇంటర్వెల్ ఎపిసోడ్ ను బాగా డిజైన్ చేశారట. సెకండాఫ్ లో ఎమోషన్ కి పెద్ద పీట వేశారని తెలుస్తుంది.ప్రీ క్లైమాక్స్ , అలాగే చివరి 20 నిమిషాలు సినిమాకి సోల్ అని అంటున్నారు. ఏ.ఆర్.రెహమాన్ (A.R.Rahman) బ్యాక్ గ్రౌండ్ మ్యూజిక్ కూడా సినిమాకి హైలెట్ అని అంటున్నారు. మరి రిలీజ్ రోజు ఎలాంటి టాక్ వస్తుందో చూడాలి.