సంచలన దర్శకుడు రాంగోపాల్ వర్మ ఎన్టీఆర్ బయోపిక్ చేసాడు. ఆ చిత్ర ఫలితం పక్కనపెడితే… అనేక వివాదాలకు తెరలేపాడు. ఈ చిత్రంలో లక్ష్మీ పార్వతి క్యారెక్టర్ ను హైలెట్ చేస్తూ నారా, నందమూరి కుటుంబ సభ్యులని నెగెటివ్ గా చూపించి వర్మ చేసిన రచ్చ అంతా.. ఇంతా కాదు. చంద్రబాబు నాయుడు తో సహా టీడీపీ నేతలందరికీ చమటలు పుట్టించి పరుగులు పెట్టించాడు. థియేటర్లలో సినిమా రిలీజ్ కనివ్వకపోతే ‘యూట్యూబ్’ లో రిలీజ్ చేస్తానని చెప్పి వాళ్ళకి నిద్ర లేకుండా చేసాడు. మళ్ళీ ఇప్పుడు తెలంగాణ ముఖ్యమంత్రి, ప్రత్యేక తెలంగాణ ఉద్యమ సారధి అయిన కేసీఆర్ బయోపిక్ తెరకెక్కిస్తున్నానంటూ ప్రకటించేశాడు. ‘టైగర్’ అనే టైటిల్ తో..’ద అగ్రెసివ్ గాంధీ’ అనే క్యాప్షన్ తో ఈ సినిమా తియబోతున్నట్లు వర్మ తన సోషల్ మీడియా ద్వారా చెప్పుకొచ్చాడు.
