కృష్ణతో పాటు అల్లూరి పాత్రలో కనిపించిన టాలీవుడ్ హీరోలు..!

July 5, 2022 / 09:33 AM ISTByFilmy Focus

Join Us

కృష్ణతో పాటు అల్లూరి పాత్రలో కనిపించిన టాలీవుడ్ హీరోలు..!

స్వాతంత్ర సమరయోధుడు, విప్లవ వీరుడు, మన్యం వీరుడు గా పిలువబడే అల్లూరి సీతారామ రాజు 125 వ జయంతి నేడు. ఆయన గురించి కథలు కథలుగా విన్నాం.. సినిమాల ద్వారా ఆయన గొప్పతనం తెలుసుకున్నాం, ఆయన వీరత్వం చూశాం. తెలుగులో అల్లూరి సీతారామరాజు గా నటించడానికి చాలా మంది హీరోలు రెడీగా ఉన్నారు. కానీ ఆ అదృష్టం కొంతమందికే దక్కింది. ఆ హీరోలు ఎవరో అందరికీ తెలిసిందే :

1) కృష్ణ :

అల్లూరి సీతారామరాజు అనే పేరు వినబడితే అందరికీ ముందుగా గుర్తొచ్చే పేరు కృష్ణ. వి.రామచంద్ర రావు డైరెక్ట్ చేసిన ఈ మూవీకి త్రిపురనేని మహారథి కథ అందించారు. కృష్ణ సోదరుడు జి.హనుమంతరావు ఈ చిత్రాన్ని నిర్మించారు. 1974 వ సంవత్సరం మే 1న ఈ చిత్రం రిలీజ్ అయ్యింది. బాక్సాఫీస్ వద్ద ఈ మూవీ బిగ్గెస్ట్ బ్లాక్ బస్టర్ గా మిగిలింది.

2) నందమూరి తారక రామారావు :

అల్లూరి సీతారామరాజు పాత్రలో కనిపించాలని సీనియర్ ఎన్టీఆర్ పరితపించారు. కానీ కథ వర్కౌట్ కాలేదు. ఆయన చేద్దాం అని ఆలోచనలో ఉన్నప్పుడే సూపర్ స్టార్ కృష్ణ ఆ ప్రాజెక్టు ని చేయడం బ్లాక్ బస్టర్ అందుకోవడం జరిగిపోయింది. అయినా ఆ పాత్రలో నటించాలి అనే ఆశ ఎన్టీఆర్ లో బలంగా ఉండటం వలన కె.రాఘవేంద్రరావు గారు డైరెక్ట్ చేసిన ‘మేజర్ చంద్రకాంత్’ సినిమాలో కాసేపు అల్లూరి లా కనిపించి ఆయన ముచ్చట తీర్చుకున్నారు.

3) బాలకృష్ణ :

అల్లూరి సీతారామరాజు పాత్రలో కనిపించాలని బాలకృష్ణ కూడా ఆశపడ్డారు. ‘భారతంలో బాల చంద్రుడు’ చిత్రంలో అల్లూరి గా కనిపించి ఆయన ముచ్చట తీర్చుకున్నారు. ‘ఎన్టీఆర్ కథానాయకుడు’ సినిమాలో కూడా ఓ సీన్ లో అల్లూరి గెటప్ వేసి కనిపించారు బాలయ్య.

4) రాంచరణ్ :

‘ఆర్.ఆర్.ఆర్’ చిత్రంలో అల్లూరి సీతారామరాజు పాత్రలో చాలా బాగా నటించాడు చరణ్. అల్లూరి ని ఉక్కు మనిషి అని కొందరు అంటుంటారు. ఈ చిత్రంలో చరణ్ కూడా అలానే కనిపించి కృష్ణ గారి తర్వాత ఆ పాత్రకి జీవం పోసిన హీరోగా నిలిచారు.