అభిమానులు సూచించిన సినిమా టైటిల్స్

సినిమాకు మంచి టైటిల్ ని పెట్టడంలోనే దర్శకుడి ప్రతిభగా దాగుంది. అందరూ మెచ్చే టైటిల్ పెడితే శుభారంభమే. ఇదివరకు చిత్రం ప్రారంభించడానికి ముందే టైటిల్ ఫిక్స్ చేసేవారు. ఇప్పుడు ట్రెండ్ మారింది. సినిమా షూటింగ్ జరుగుతున్న సమయంలో ఒకే చేస్తున్నారు. అందుకు అభిమానుల సలహాలు తీసుకుంటున్నారు. సోషల్ మీడియాలో ఎక్కువ లైకులు అందుకున్న టైటిళ్ళకే హీరోలు సై అంటున్నారు. ప్రస్తుతం అలా టాలీవుడ్ లో ప్రచారంలో ఉన్న టైటిల్స్ పై ఫోకస్..

సంభవామిసూపర్ స్టార్ మహేష్‌ బాబు బ్రహ్మోత్సవం సినిమా తర్వాత తమిళ డైరక్టర్ మురుగదాస్‌ దర్శకత్వంలో యాక్షన్ థ్రిల్లర్ చేస్తున్నారు. ఈ చిత్రం మొదలయినప్పటి నుంచి అనేక పేర్లు బయటికి వచ్చాయి. అభిమన్యు, వాస్కోడిగామా, చట్టంతో పోరాటం, ఏజెంట్‌ శివ, స్టన్ గన్ వంటి పేర్లు సోషల్ మీడియాలో చక్కర్లు కొట్టాయి. వీటన్నింటినీ చిత్ర బృందం కొట్టి పడేసింది. తాజాగా సంభవామి అనే పేరు పరిశీలనలో ఉంది.

దేవుడే దిగి వచ్చినా..పవర్ స్టార్ పవన్ కళ్యాణ్ కాటమరాయుడు సినిమా తర్వాత మాటల మాంత్రికుడు త్రివిక్రమ్ శ్రీనివాస్ తో మూవీ చేయనున్నారు. జల్సా, అత్తారింటికి దారేది చిత్రాల తర్వాత ఈ క్రేజీ కాంబినేషన్లో వస్తున్న మూవీకి ‘దేవుడే దిగి వచ్చినా..’ అనే టైటిల్‌ ప్రచారంలో ఉంది.

జై లవకుశయంగ్ టైగర్ ఎన్టీఆర్ 27 వ సినిమాని బాబీ తెరకెక్కించనున్నారు. ఎన్టీఆర్ ఆర్ట్స్ బ్యానర్లో కల్యాణరామ్ నిర్మించనున్న ఈ చిత్రంలో తారక్ మూడు పాత్రల్లో మెరవనున్నారు. సో కథకు తగినట్లు ఉంటుందని ‘నట విశ్వరూపం’ అనే పేరు పెట్టినట్లు అభిమానులు చెబుతున్నారు. ‘జై లవకుశ’ అనే మరో టైటిల్‌ కూడా బలంగా వినిపిస్తోంది.

నిన్నే పెళ్లాడుతా !యువ సామ్రాట్ అక్కినేని నాగ చైతన్య వరుస విజయాలతో దూసుకుపోతున్నారు. ప్రస్తుతం కల్యాణ్‌ కృష్ణ డైరక్షన్లో రొమాంటిక్ లవ్ స్టోరీ చేస్తున్నారు. ఇందుకు కింగ్ నాగార్జున హిట్ చిత్రం నిన్నే పెళ్లాడుతా అనే పేరు పరిశీలిస్తున్నట్లు వార్త ప్రచారంలో ఉంది.

భరత్‌ అను నేనుమురుగదాస్ తో ద్వి భాష చిత్రం అనంతరం ప్రిన్స్ మహేష్ బాబు కొరటాల శివ తో సినిమా చేయనున్నారు. ఈ మూవీకి మొదటి నుంచి ‘భరత్‌ అను నేను’ అనే టైటిల్‌ ఖాయమైందంటూ వార్తలు వినిపిస్తున్నాయి. అధికారిక ప్రకటన ఇంకా వెలువడ లేదు.

బుల్లెట్‌మస్కా సినిమా తర్వాత చిత్ర పరిశ్రమకు దూరంగా ఉన్న కమర్షియల్ డైరక్టర్ బి.గోపాల్ యాక్షన్ హీరో గోపీచంద్‌ తో మూవీ చేయనున్నారు. దీనికి బుల్లెట్‌, ఆరడుగుల బుల్లెట్‌, బలం అనే పేర్లు పెట్టినట్టు ఫిల్మ్ నగర్ వాసులు చెప్పుకుంటున్నారు.

రానే వచ్చాడయ్యా .. ఆ రామయ్య నందమూరి బాలకృష్ణ తనయుడు మోక్షజ్ఞ ఈ సంవత్సరం వెండి తెరపై ఎంట్రీ ఇవ్వనున్నారు. దీనిని వారాహి చలచిత్ర బ్యానర్లో సాయి కొర్రపాటి నిర్మించనున్నారు. డైరక్టర్ ఖరారు కానీ ఈ చిత్రానికి ఫిలిం ఛాంబర్ లో “రానే వచ్చాడయ్యా .. ఆ రామయ్య” అనే పేరు రిజిస్టర్ చేయించినట్లు తెలిసింది.

రాయబారిమెగా పవర్ స్టార్ రామ్ చరణ్ తేజ్ ధృవ విజయం అనంతరం సుకుమార్ తో మూవీ చేస్తున్నారు. టెక్నీషియన్లు, ఆర్టిస్టులు అంతా ఫిక్స్ అయిన ఈ ఫిల్మ్ కి రాయబారి అనే పేరును అనుకుంటున్నారు. ఈ పేరుతో వరుణ్ తేజ్ మూవీ చేయాలనుకున్నారు. ఆ ప్రాజక్ట్ క్యాన్సిల్ కావడంతో ఆ టైటిల్ ని చెర్రీ సినిమాకు తీసుకున్నట్లు టాలీవుడ్ వర్గాల వారు చెప్పుకుంటున్నారు.

ఈ పేర్లలో ఏది ఓకే అవుతుందో.. ఏది రిజక్ట్ అవుతుందో కొన్ని రోజుల్లో తెలియనుంది.