Thaman: మహేష్ సాంగ్ విషయంలో తమన్ ను ఆడుకుంటున్నారుగా!

టాలీవుడ్ లో టాప్ మ్యూజిక్ డైరెక్టర్ గా దూసుకుపోతున్నారు తమన్. కెరీర్ ఆరంభంలో ఆయనపై ట్రోల్స్ వచ్చినా.. ఇప్పుడు అగ్ర సంగీత దర్శకుల్లో ఒకడిగా దూసుకుపోతున్నారు. తెలుగులో భారీ బడ్జెట్ సినిమాలను పని చేస్తున్నప్పటికీ అతడిపై విమర్శలు, ట్రోలింగ్ ఆగడం లేదు. కొన్నేళ్ల పాటు అతడు తన ట్యూన్స్ ను కాపీ చేయడంతో నెటిజన్లు సోషల్ మీడియాలో బాగా ట్రోల్ చేసేవారు. గత మూడు, నాలుగేళ్లుగా మంచి ఫామ్ లో ఉంటూ వరుసగా మ్యూజికల్ బ్లాక్ బస్టర్స్ అందిస్తున్నారు.

అప్పుడప్పుడు అతడి పాటలు ట్రోలర్స్ కి టార్గెట్ అవుతున్నాయి. దానికి కారణం తన ట్యూన్స్ ను తనే అనుకరిస్తుంటాడు తమన్. ఇప్పుడు మరోసారి అలానే చేయడంతో సోషల్ మీడియా జనాలు అతడిని ఓ రేంజ్ లో ఆడేసుకుంటున్నాడు. మహేష్ బాబు నటిస్తోన్న ‘సర్కారు వారి పాట’ నుంచి లేటెస్ట్ గా ‘మ మ మహేషా’ అనే పాటను రిలీజ్ చేశారు. ముందుగా ఈ సాంగ్ ప్రోమోను వదిలినప్పుడు.. తమన్ సంగీతం అందించిన ‘ఛల్ మోహనరంగా’ సినిమాలో ఫస్ట్ లుక్కు సోమవారం అంటూ సాగే పాటకు చాలా దగ్గరగా అనిపించింది.

నితిన్ సినిమాలోని పాట కొంచెం నెమ్మదిగా, క్లాస్‌గా సాగితే.. మహేష్ సాంగ్ చాలా ఫాస్ట్ గా సాగింది. నిన్న ఫుల్ సాంగ్ ను రిలీజ్ చేసినప్పుడు.. చరణం వింటుంటే ‘సరైనోడు’ సినిమాలో బ్లాక్ బస్టర్ సాంగ్ విన్నట్లే అనిపిస్తుంది. దీని మీద అప్పుడే వీడియోలు రెడీ అయిపోయాయి. రెండు పాటలను పోలుస్తూ.. తమన్‌ను విపరీతంగా ట్రోల్ చేస్తున్నారు నెటిజన్లు. ఒక పాపులర్ సాంగ్ ట్యూన్ ను ఎలా రిపీట్ చేస్తారంటూ తమన్ ను విమర్శిస్తున్నారు.

ఆచార్య సినిమా రివ్యూ & రేటింగ్!

Most Recommended Video

కన్మణి రాంబో కటీజా సినిమా రివ్యూ & రేటింగ్!
వీళ్ళు సరిగ్గా శ్రద్ద పెడితే… బాలీవుడ్ స్టార్లకు వణుకు పుట్టడం ఖాయం..!
కే.జి.ఎఫ్ హీరో యష్ గురించి ఈ 12 విషయాలు మీకు తెలుసా..!