KGF విలన్.. ఛాన్స్ ఎలా వచ్చిందంటే

January 6, 2021 / 06:54 PM ISTByFilmy Focus

Join Us

KGF సినిమా ఏ స్థాయిలో విజయాన్ని అందుకుందో స్పెషల్ గా చెప్పనవసరం లేదు. ప్రస్తుతం ఆ సినిమాకు సంబంధించిన సెకండ్ చాప్టర్ పైనే అందరి దృష్టి ఉంది. షూటింగ్ అయితే పూర్తయ్యింది. ఇక యష్ పుట్టినరోజు సందర్భంగా జనవరి 8న పవర్ఫుల్ టీజర్ ను కూడా వదలబోతున్నారు. ఇక చాప్టర్ 1లో మెయిన్ విలన్ గా నటించిన గరుడ గురించి అందరికి తెలిసిందే. అతని అసలు పేరు రామ్.

అంతకుముందు వరకు ఏ సినిమాలో కూడా నటించని రామ్ సడన్ గా అవకాశం ఎలా అందుకున్నాడు అనే విషయంలోకి వెళితే.. అతను యష్ పర్సనల్ బాడీగార్డ్ కావడం వలనే సినిమాలో మెయిన్ విలన్ అయ్యాడట. దర్శకుడు ప్రశాంత్ నీల్ హీరో యష్ కు కథ చెప్పినప్పుడే రామ్ ను చూసి ఆడిషన్స్ కు రమ్మని పిలిచాడట. ఎప్పటి నుంచో యష్ కూడా అతన్ని సినిమాల్లో విలన్ పాత్రలో చూడాలని అనుకుంటున్నాడు.

ఇక ప్రశాంత్ నీల్ KGF 2 గరుడ పాత్రకు ఫైనల్ చేయడంతో యష్ కూడా వెంటనే గ్రీన్ సిగ్నల్ ఇచ్చాడు. రామ్ మరికొన్ని సినిమాల్లో విలన్ గా నటించడానికి కూడా గ్రీన్ సిగ్నల్ ఇచ్చాడు. ఇక గరుడ అనంతరం KGF 2లో మెయిన్ విలన్ గా అధిరా కనిపించబోతున్నాడు. ఆ పాత్రలో బాలీవుడ్ నటుడు సంజయ్ దత్ నటించిన విషయం తెలిసిందే. మరి ఆ పాత్ర ఏ స్థాయిలో క్లిక్కవుతుందో చూడాలి.