నెట్ ఫ్లిక్స్ లో ‘ఉప్పెన’.. డేట్ లాక్ అయినట్లే!

ఈ మధ్యకాలంలో ఏ సినిమాకి రానంత హైప్ ‘ఉప్పెన’ సినిమాకి వచ్చింది. మెగా హీరో వైష్ణవ్ తేజ్ ని హీరోగా పరిచయం చేస్తూ శుక్రవారం నాడు ఈ సినిమాను రిలీజ్ చేశారు. బుచ్చిబాబు సానా డైరెక్ట్ చేసిన ఈ సినిమాలో కృతిశెట్టి హీరోయిన్ గా నటించింది. మైత్రి మూవీ మేకర్స్ భారీ బడ్జెట్ తో సినిమాను రూపొందించారు. నిజానికి ఈ సినిమా రిలీజ్ ఆలస్యం కావడంతో ఓటీటీలో రిలీజ్ చేయాలనుకున్నారు కానీ నిర్ణయం మార్చుకొని థియేటర్లో విడుదల చేశారు.

ప్రీరిలీజ్ బిజినెస్ కూడా ఓ రేంజ్ లో జరిగింది. స్టార్ హీరో సినిమా స్థాయిలో ఈ సినిమాకి అడ్వాన్స్ బుకింగ్స్ జరిగాయి. మొదటిరోజే ఈ సినిమా పదికోట్ల షేర్ ని రాబట్టి బాక్సాఫీస్ వద్ద దూసుకుపోతుంది. అయితే ఈ సినిమాని ప్రదర్శిస్తోన్న థియేటర్లలో టైటిల్స్‌ ఆరంభంలోనే ఈ చిత్రం నెట్ ఫ్లిక్స్‌లో అతి త్వరలోనే రిలీజ్ కాబోతోందని అనౌన్స్‌మెంట్ ఇచ్చేశారు. అయితే ఈ సినిమాను ఎప్పుడు రిలీజ్ చేయబోతున్నారనే విషయంలో ఓ డేట్ ని లాక్ చేసినట్లు తెలుస్తోంది.

సినిమా థియేటర్లో రిలీజ్ అయిన 60 రోజులకు డిజిటల్ స్ట్రీమింగ్ చేసేలా అగ్రిమెంట్ చేసుకున్నారట. ఆ లెక్కన ఏప్రిల్ 11న నెట్ ఫ్లిక్స్ లో సినిమాను విడుదల చేయబోతున్నట్లు సమాచారం. భారీ మొత్తం చెల్లించి ఈ సినిమా హక్కులను సొంతం చేసుకుంది నెట్ ఫ్లిక్స్ సంస్థ. ‘ఉప్పెన’ థియేట్రికల్ రిలీజ్ కి, ఓటీటీ రిలీజ్ కి అరవై రోజులు గ్యాప్ ఉండడం అనేది డిస్ట్రిబ్యూటర్లకు సంతోషాన్ని కలిగించే విషయమే.

Most Recommended Video

ఉప్పెన సినిమా రివ్యూ & రేటింగ్!
ఈ 20 సినిమాలకి ఊరి పేర్లనే పెట్టారు..అయితే ఎన్ని హిట్ అయ్యాయి
తెలుగులో క్రేజ్ ఉన్న ఈ 10 యాంకర్ల వయసు ఎంతో మీకు తెలుసా?