వకీల్ సాబ్ మోషన్ పోస్టర్ రివ్యూ!

రెండేళ్ల తరువాత పవన్ ఫ్యాన్స్ కి ఆయన నుండి అరుదైన బహుమతి, వకీల్ సాబ్ మోషన్ పోస్టర్. పవన్ డై హార్డ్ ఫ్యాన్స్ దీనికోసం ఎంతగానో ఎదురుచూస్తున్నారు. ప్రకటించిన విధంగా వకీల్ సాబ్  మోషన్ పోస్టర్ విడుదల చేయడం జరిగింది. పవన్ ఫ్యాన్స్ అంచనాలకు తగ్గకుండా, పవన్ ఇమేజ్ మరో స్థాయికి తీసుకెళ్లేలా మోషన్ పోస్టర్ ఉంది. కట్ చేస్తే మహాత్మా గాంధీ ఫోటో పై ఓపెన్ అయిన మోషన్ పోస్టర్ పవన్ అగ్రెసివ్ పోజ్ తో ఎండ్ అయ్యింది. క్రిమినల్ లాతో నేరస్థులకు పవన్ ముచ్చెమటలు పట్టించడం ఖాయం అని మోషన్ పోస్టర్ చూస్తే అర్థం అవుతుంది.

ఒక చేతిలో క్రిమినల్ లా మరో చేత్తో బేస్ బాల్ బ్యాట్ పట్టుకున్న పవన్ లుక్ ఆసక్తి రేపుతోంది. లాతో పాటు లాఠీని కూడా ఉపయోగించే రౌడీ లాయర్ గా పవన్ కనిపిస్తున్నారు. ఇక లాయర్ గెటప్ కూడా ఆయనకు చాల బాగా సెట్ అయ్యింది. పవన్ ఇమేజ్ దృష్టిలో పెట్టుకొని స్క్రిప్ట్ లో చాలా మార్పులే చేశారని మోషన్ పోస్టర్ చూస్తుంటే అర్థం అవుతుంది. ఇక థమన్ బీజీఎమ్ మోషన్ పోస్టర్ కి మరో ప్రధాన ఆకర్షణగా ఉంది.

హిందీ చిత్రం పింక్ కి వకీల్ సాబ్ తెలుగు రీమేక్ అన్న సంగతి తెలిసిందే. ఒరిజినల్ స్క్రిప్ట్ కి భారీ మార్పులే జరిగినట్లు ఉన్నాయి. మొత్తంగా వకీల్ సాబ్ టీజర్ ఫ్యాన్స్ కి పర్ఫెక్ట్ బర్త్ డే గిఫ్ట్ లా ఉంది. దిల్ రాజు నిర్మిస్తున్న ఈ చిత్రాన్ని దర్శకుడు శ్రీరామ్ వేణు తెరకెక్కిస్తున్నారు. శృతి హాసన్ హీరోయిన్ గా నటిస్తుండగా, నివేదా థామస్ కీలక రోల్స్ చేస్తున్నారు.