ప్రముఖ జ్యోతిష్కులలో ఒకరైన వేణుస్వామి ఈ మధ్య కాలంలో చెప్పిన విషయాలలో చాలా విషయాలు నిజం కాలేదు. వారం రోజుల క్రితం వరకు కూడా ప్రముఖ జ్యోతిష్కునిగా వేణుస్వామి పేరు మారుమ్రోగిన సంగతి తెలిసిందే. అయితే వరుసగా వేణుస్వామి అంచనాలు తప్పడం ఆయన కెరీర్ పై తీవ్ర ప్రభావం చూపింది. అయితే వేణుస్వామి జాతకం అంచనాలు గతంలో కూడా తప్పాయని చాలా సందర్భాల్లో ప్రూవ్ అయింది. వేణుస్వామి ప్రభాస్ (Prabhas) కెరీర్ గురించి, ఆరోగ్యం గురించి ఎన్నో కామెంట్లు చేసిన సంగతి తెలిసిందే.
ప్రభాస్ సినిమాలలో ఒక సినిమా ఆగిపోతుందనే అర్థం వచ్చేలా ఆయన కామెంట్లు చేశారు. అయితే ప్రభాస్ సలార్ (Salaar) సినిమాతో సక్సెస్ ను సొంతం చేసుకోగా ప్రభాస్ భవిష్యత్తు ప్రాజెక్ట్ లపై భారీగా అంచనాలు పెరుగుతున్న సంగతి తెలిసిందే. ప్రభాస్ కల్కి (Kalki) ఈ నెలలో విడుదల కానుండగా ఈ సినిమా కూడా కచ్చితంగా హిట్ అవుతుందని ప్రభాస్ రేంజ్ కు అనుగుణంగా కలెక్షన్లను సాధిస్తుందని ఫ్యాన్స్ చెబుతున్నారు.
పవన్ కళ్యాణ్ (Pawan Kalyan) నాలుగో పెళ్లి, శ్రీజ మళ్లీ పెళ్లి చేసుకుంటారంటూ వేణుస్వామి చెప్పగా ఆ జాతకాలు సైతం నిజమయ్యే అవకాశాలు కనిపించడం లేదు. అటు కేసీఆర్ ఇటు జగన్ విషయంలో వేణుస్వామి అంచనాలు పూర్తిగా తప్పాయి. ఆయన ఊహించని వ్యక్తులు ప్రస్తుతం తెలుగు రాష్ట్రాలకు సీఎం అయ్యారు. హీరోయిన్ శ్రీలీల (Sreeleela) గురించి వేణుస్వామి చెప్పిన జాతకానికి ఫుల్ రివర్స్ లో ఆమె కెరీర్ ఉంది.
ఐపీఎల్ లో సన్ రైజర్స్ హైదరాబాద్ గెలుస్తుందని వేణుస్వామి అంచనాలు వేయగా ఆ అంచనాలు సైతం నిజం కాలేదనే సంగతి తెలిసిందే. ఈ విధంగా వేణుస్వామి ఏ విషయం గురించి అంచనా వేసినా ఆ అంచనాలకు రివర్స్ లో జరుగుతుండటం ప్రస్తుతం సోషల్ మీడియా వేదికగా హాట్ టాపిక్ అవుతోంది.
