విజయ్ సేతుపతి (Vijay Sethupathi) ఈ ఏడాది ‘మహారాజ’ తో కెరీర్ బిగ్గెస్ట్ బ్లాక్ బస్టర్ అందుకుని ఫామ్లోకి వచ్చాడు. ఆ తర్వాత ఇతను నటించిన సినిమా ‘విడుదల 2’ (Vidudala Part 2). మొదటి భాగంలో సూరి (Soori) హీరోగా నటించిన సంగతి తెలిసిందే. వెట్రిమారన్ (Vetrimaaran) దర్శకత్వంలో రూపొందిన ఈ చిత్రానికి కొనసాగింపుగా రెండో భాగం వచ్చింది. మొదటి రోజు సినిమాకి మిక్స్డ్ టాక్ వచ్చింది. సాగదీత ఎక్కువగా ఉండటం వల్ల.. మొదటి భాగం స్థాయిలో ఇది లేదని ప్రేక్షకులు పెదవి విరిచారు.
దీంతో ఓపెనింగ్స్ ఆశించిన స్థాయిలో నమోదు కాలేదు. ఒకసారి ఫస్ట్ వీకెండ్ కలెక్షన్స్ ని గమనిస్తే :
| నైజాం | 0.17 cr |
| సీడెడ్ | 0.07 cr |
| ఆంధ్ర(టోటల్) | 0.15 cr |
| ఏపీ + తెలంగాణ(టోటల్) | 0.39 cr |
‘విడుదల 2’ చిత్రానికి తెలుగు రాష్ట్రాల్లో రూ.3.0 కోట్ల థియేట్రికల్ బిజినెస్ జరిగింది. ఈ సినిమా బ్రేక్ ఈవెన్ కావాలంటే రూ.3.5 కోట్ల షేర్ ను రాబట్టాల్సి ఉంది. మొదటి వీకెండ్ ఈ సినిమా రూ.0.39 కోట్లు షేర్ ను మాత్రమే రాబట్టింది. బ్రేక్ ఈవెన్ కోసం ఇంకా రూ.3.11 కోట్ల షేర్ ను రాబట్టాలి. ‘పుష్ప 2’ (Pushpa 2 The Rule) ‘ముఫాసా’ వంటి సినిమాలు పోటీగా ఉండటం వల్ల ఓపెనింగ్స్ ఆశించిన స్థాయిలో నమోదు కాలేదు అని స్పష్టమవుతుంది. వీక్ డేస్లో గట్టిగా క్యాష్ చేసుకుంటే తప్ప ఈ ఓపెనింగ్స్ తో బ్రేక్ ఈవెన్ అవ్వడం అనేది కష్టమే అని చెప్పాలి.
Home