కోలీవుడ్ స్టార్ హీరో విజయ్ (Vijay Thalapathy) మరికొన్ని రోజుల్లో ది గోట్ (The Greatest of All Time ) సినిమాతో ప్రేక్షకుల ముందుకు రానున్నారు. ఈ సినిమాపై భారీ స్థాయిలో అంచనాలు నెలకొనగా విజయ్ కెరీర్ లో ఈ సినిమా బిగ్గెస్ట్ హిట్ గా నిలవాలని దర్శకుడు వెంకట్ ప్రభుకు (Venkat Prabhu) సైతం ఈ సినిమా మంచి పేరును తెచ్చిపెట్టాలని అభిమానులు కోరుకుంటున్నారు. తాజాగా ఒక విద్యార్థికి అండగా నిలబడి విజయ్ వార్తల్లో నిలిచారు. తమిళనాడు రాష్ట్రంలోని కోవిల్ పట్టికి చెందిన ఒక స్టూడెంట్ కు విజయ్ అండగా నిలబడ్డారు.
ఒక విద్యార్థి కూలి పనులు చేసుకుంటూ కాలేజ్ లో చదువుకుంటున్నాడని తెలిసిన వెంటనే విజయ్ విద్యార్థి చదువు కోసం 25,000 రూపాయల సహాయం చేయడంతో పాటు ఆ విద్యార్థి చదువు బాధ్యతను తానే తీసుకుంటానని హామీ ఇచ్చారు. ఆ విద్యార్థి రోజుకు 5 గంటలు మూటలు మోస్తూ రాత్రి బస్సు దొరకకపోతే కిలోమీటర్లు నడిచి ఇంటికి వెళ్లేవాడట. విజయ్ విద్యార్థికి అండగా నిలవడంతో పాటు కుటుంబానికి ఒక నెలకు సరిపడా వస్తువులను అందించారు.
విజయ్ కు ఎలా కృతజ్ఞతలు చెప్పాలో అర్థం కావడం లేదని తల్లి పేర్కొన్నారు. ప్రముఖ మ్యూజిక్ డైరెక్టర్ థమన్ (S.S.Thaman) ఆ విద్యార్థికి టూ వీలర్ కొనిస్తానని తెలిపారు. విద్యార్థికి టాలీవుడ్ సెలబ్రిటీలు అండగా నిలవడంపై ప్రశంసలు వ్యక్తమవుతున్నాయి. కోట్ల రూపాయల పారితోషికం తీసుకునే సెలబ్రిటీలు ఏదైనా సమస్య తమ దృష్టికి వస్తే స్పందించే విషయంలో సైతం ముందువరసలో ఉంటూ వార్తల్లో నిలుస్తున్నారు.
విజయ్, థమన్ లను ఎంత మెచ్చుకున్నా తక్కువేనని నెటిజన్లు అభిప్రాయపడుతున్నారు. విజయ్ ది గోట్ సినిమా బాక్సాఫీస్ వద్ద ఏ రేంజ్ లో హిట్ గా నిలుస్తుందో చూడాలి. 250 కోట్ల రూపాయలకు పైగా బడ్జెట్ తో ఈ సినిమా తెరకెక్కింది.
Well done @tvkvijayhq @actorvijay . That was very quick
— Rajasekar (@sekartweets) August 26, 2024
