ఇండస్ట్రీలో హిట్‌ సినిమా ఇచ్చిన దర్శకుడు హాట్‌ కేక్‌లా అడ్వాన్స్‌లు ఇచ్చేస్తుంటారు. కథలు ముందుగానే సిద్ధం చేసుంటారు కాబట్టి… నెక్స్ట్‌ సినిమా చాలా వేగంగా మొదలైపోవాలి. అయితే టాలీవుడ్‌లో ఇదేమంత ఈజీగా జరగదు అంటుంటారు. దానికి నిదర్శనం బుచ్చిబాబు సానా. ‘ఉప్పెన’తో దర్శకుడిగా మారిన ఈ సుకుమార్‌ శిష్యుడు… ఆ సినిమా వచ్చి ఇన్ని నెలలయినా కొత్త సినిమా అనౌన్స్ చేయలేదు. ‘ఉప్పెన’ చేసిన వాళ్లలో వైష్ణవ్‌తేజ్‌ కొత్త సినిమా స్టార్ట్‌ చేశాడు.
హీరోయిన్‌ కృతి శెట్టి అయితే మూడో నాలుగో ఓకే చేసేసింది. కానీ బుచ్చిబాబు ఇంకా కౌంట్‌ ఓపెన్‌ చేయలేదు. ఎన్టీఆర్‌కు కథ చెప్పారని, అల్లు అర్జున్‌తో సినిమా అని చాలా రకాలుగా వార్తలొచ్చాయి. అయితే ఇందులో ఏదీ పట్టాలెక్కలేదు. దీంతో బుచ్చిబాబు సెకండ్‌ వండర్‌ ఇంకా మొదలవ్వలేదు. దీంతో బుచ్చిబాబు ఏం చేస్తున్నాడు అనే ప్రశ్న మొదలైంది. నిజానికి బుచ్చిబాబు నెక్స్ట్‌ సినిమా మైత్రి మూవీ మేకర్స్‌తోనే చేయాలి. ఈ మేరకు ఎప్పుడో ఒప్పందం కుదిరిపోయింది.
ఆ లెక్కన మైత్రి మూవీ మేకర్స్‌ దగ్గర అడ్వాన్స్‌ అందుకున్న హీరోలు చాలామంది ఉన్నారు. వారిలో ఎవరితోనైనా సినిమా ఓకే చేసుకోవచ్చు. కానీ అది జరగడం లేదు. పోనీ బుచ్చిబాబు ఇంకెవరికైనా కథ చెప్పి ఓకే చేసుకుంటాడా… అంటే అదీ జరగడం లేదు. దీంతో ‘వై బుచ్చిబాబు… ఏమైంది’ అని అడగాల్సి వస్తోంది.
Most Recommended Video
విజయేంద్ర ప్రసాద్ గారి గురించి 10 ఆసక్తికరమైన విషయాలు..!
ఈ 10 స్పీచ్ లు వింటే ఈ స్టార్లకు ఫ్యాన్స్ అయిపోతారు అంతే..!
నయన్, అవికా టు అలియా.. డేటింగ్ కి ఓకే పెళ్ళికి నొ అంటున్న భామలు..!
