రణబీర్ ఫోటో అడిగితే ‘గెట్ లాస్ట్’ అందట!

January 8, 2021 / 03:04 PM ISTByFilmy Focus

Join Us

బాలీవుడ్ స్టార్ హీరో రణబీర్ కపూర్ కి అమ్మాయిల్లో ఉన్న ఫాలోయింగ్ గురించి ప్రత్యేకంగా చెప్పనక్కర్లేదు. స్టార్ హీరోయిన్లు సైతం అతడి ప్రేమలో మునిగి తేలుతున్నారు. గతంలో కత్రినా కైఫ్, దీపికా పదుకోన్ లాంటి అగ్ర నటీమణులతో ప్రేమాయణం సాగించిన రణబీర్ ఇప్పుడు అలియాభట్ తో ప్రేమలో ఉన్నాడు. ఇలా బాలీవుడ్ బ్యూటీస్ అంతా అతడి ప్రేమలో పడిపోయిన వాళ్లే. అలాంటి రణబీర్ కపూర్ ని ఒక హీరోయిన్ ఛీ కొట్టిందట. ప్రముఖ హాలీవుడ్ యాక్ట్రెస్ నటాలీ పోర్ట్మన్‍ కి రణబీర్ పెద్ద ఫ్యాన్స్.

ఒకసారి న్యూయార్క్ లో తన హోటల్ గదికి వెళ్తోన్న సమయంలో రోడ్ మీద నడిచి వెళ్తోన్న నటాలీని గుర్తుపట్టి వెంటనే ఆమె దగ్గరకు పరుగెత్తుకెళ్లి ఒక ఫోటో దిగమని అడిగాడట. దాంతో ఆమె కోపంలో ‘గెట్ లాస్ట్ ఐ సే’ అంటూ తిట్టేసిందట. అయితే ఆ సమయంలో ఆమె ఫోన్ లో మాట్లాడుతూ ఏడుస్తోందన్న విషయం గుర్తించలేదని.. ఆమెని చూసిన ఆనందంలో పరిస్థితిని అర్ధం చేసుకోకుండా ఫోటో అడిగానని గుర్తు చేసుకున్నాడు రణబీర్.

ఆమె గెట్ లాస్ట్ అందని తన మీద ఉన్న అభిమానం తగ్గిపోదని.. ఆమె మళ్లీ కనిపిస్తే అలానే ఫోటో అడుగుతానని రణబీర్ చెప్పుకొచ్చాడు. బహుశా నటాలీకి రణబీర్ సూపర్ స్టార్ అనే విషయం తెలియకపోవచ్చు. అందుకే అలా రియాక్ట్ అయి ఉంటుంది. ప్రస్తుతానికి రణబీర్ లవ్ రంజన్ రూపొందించనున్న ఓ సినిమాలో నటించనున్నాడు. అలానే సందీప్ రెడ్డి వంగా డైరెక్షన్ లో మరో సినిమా చేయనున్నాడు.