కరోనా ఫస్ట్‌ వేవ్‌ తర్వాత సినిమా రిలీజ్‌డేట్లు ప్రకటించిన తొలి హీరోల్లో ‘కేజీఎఫ్‌’ స్టార్ యశ్ ఒకరు. 2021 జులై 19న సినిమా తీసుకొచ్చేస్తాం అంటూ ఘనంగా అనౌన్స్‌ చేసింది చిత్రబృందం. అయితే కరోనా సెకండ్‌ వేవ్‌ రావడంతో అనుకున్నట్లుగా ఏ సినిమా కూడా థియేటర్లకు రాలేకపోయింది. అయితే ఇప్పుడు సినిమా రిలీజ్‌ డేట్లను చిత్రబృందాలు ఒక్కొక్కటిగా అనౌన్స్‌ చేస్తూ వస్తున్నాయి. అయితే యశ్ టీమ్ నుండి నో ఇన్ఫో.
నిజానికి ‘కేజీఎఫ్‌ 2’ సినిమా ఎప్పుడో పూర్తయిపోయింది. అందుకే ఆ ధైర్యంతోనే చిత్రబృందం రిలీజ్‌ డేట్‌ అంత కాన్ఫిడెంట్‌గా చెప్పేసింది. అయితే కరోనా రాసిన స్క్రిప్టుల ముందు మన దర్శక నిర్మాతలు రాసుకున్న స్క్రిప్టులు ఎందుకూ పనికిరాలేదు. దీంతో మళ్లీ వాయిదాల పర్వం మొదలైంది. అలా అన్ని సినిమాలు వాయిదా పడ్డాయి. అందులో ‘కేజీఎఫ్‌ 2’ కూడా ఉంది. అయితే ఇప్పుడు అందరిలా ఆలోచించడం లేదు ప్రశాంత్‌ నీల్‌ టీమ్.
‘కేజీఎఫ్‌ 2’ కు సంబంధించి అప్పుడప్పుడు అప్‌డేట్స్‌ ఇస్తున్నారు తప్ప సరైన డేట్‌ అయితే చెప్పడం లేదు. ప్రస్తుతం ఉన్న పరిస్థితి చూస్తే.. రాబోయే సీజన్లు ఏవీ ఖాళీగా లేవు. దసరాకు ‘ఆర్‌ఆర్‌ఆర్‌’, దీపావళికి ‘అన్నాతె’, క్రిస్మస్‌కి ‘పుష్ప 1’, సంక్రాంతికి ‘ఏకే’ రీమేక్‌, ‘సర్కారు వారి పాట’, ‘రాధేశ్యామ్‌’ ఉన్నాయి. కాబట్టి పండగ సీజన్లు కాకుండా మిగిలిన టైమ్‌లో విడుదల చేసుకోవాల్సి ఉంటుంది.
Most Recommended Video
ఇష్క్ మూవీ రివ్యూ & రేటింగ్!
తిమ్మరుసు మూవీ రివ్యూ & రేటింగ్!
‘నారప్ప’ మూవీ నుండీ అదిరిపోయే డైలాగులు..!
Home