Kartikeya: సినిమాలకి దూరంగా ‘ఆర్.ఎక్స్.100’ కార్తికేయ…!

July 5, 2022 / 07:33 PM ISTByFilmy Focus

Join Us

Kartikeya: సినిమాలకి దూరంగా ‘ఆర్.ఎక్స్.100’ కార్తికేయ…!

‘ఆర్.ఎక్స్.100’ అనే ఒక్క చిత్రంతో చాలా పాపులర్ అయిపోయాడు కార్తికేయ. దానికంటే ముందు అతను ప్రేమతో మీ కార్తీక్ సినిమాలో నటించినప్పటికీ ‘ఆర్.ఎక్స్.100’ హీరో అనే ముద్ర అతనిపై పడింది.ఆ సినిమా సక్సెస్ క్రెడిట్ పాయల్ రాజ్ పుత్ అకౌంట్లో పడిపోయినా… కార్తికేయ కూడా హానెస్ట్ పెర్ఫార్మన్స్ ఇచ్చాడు. ఈ సినిమా వల్ల అతనికి చాలా మంచి ఆఫర్లు లభించాయి. విక్రమ్ కుమార్ దర్శకత్వంలో నాని హీరోగా వచ్చిన ‘గ్యాంగ్ లీడర్’ లో అతను విలన్ గా చేశాడు.

అలాగే ‘గీతా ఆర్ట్స్’ సంస్థలో ‘చావు కబురు చల్లగా’ అనే సినిమా చేశాడు. ఆఖరికి అజిత్ నటించిన భారీ బడ్జెట్ మూవీ ‘వలీమై’ లో కూడా విలన్ గా చేశాడు. కానీ ఈ సినిమాలు ఏమీ అతనికి కలిసి రాలేదు. కార్తికేయ మంచి టాలెంటెడ్ కూడా..! డ్యాన్స్ లు, ఫైట్ లు బాగా చేయగలడు. విలక్షణ పాత్రలకి కూడా సరిగ్గా సరిపోతాడు.కానీ ఇతనికి టైం కలిసి రావడం లేదు.

ఈ మధ్య కాలంలో కార్తికేయ సినిమాలకి సంబంధించి ఎటువంటి వార్తలు రాకపోవడంతో అతని గురించి సోషల్ మీడియాలో రకరకాల కామెంట్లు వినిపిస్తున్నాయి. ‘అతని చేతిలో ఆఫర్లు లేవా.. ట్విట్టర్లో కూడా రెండు నెలలుగా కనిపించడం లేదు’ అనేది ఆ కామెంట్ల సారాంశం.కానీ అవి వట్టి ఊహాగానాలే. ‘యూవీ క్రియేషన్స్’ లో అతను ఓ సినిమా చేస్తున్నాడు. ఈ చిత్రానికి సంబంధించి 70 శాతం షూటింగ్ పూర్తయింది.

‘లౌక్య ఎంటర్టైన్మెంట్స్’ లో కూడా ఓ సినిమా చేస్తున్నాడు.మరికొన్ని ప్రాజెక్టులకు కూడా అతను గ్రీన్ సిగ్నల్ ఇచ్చాడు ఫుల్ బిజీగా ఉన్నాడు అని అతని సన్నిహిత వర్గం తెలియజేసింది.అంతేకాదు కార్తికేయతో సినిమాలు చేయడానికి క్రేజీ నిర్మాణ సంస్థలు రెడీగా ఉన్నాయి.