Sid Sriram: సిద్ శ్రీరామ్ ను ఇప్పుడు ఎందుకు పాడించట్లేదు?

తెలుగు చిత్రసీమలో సిద్ శ్రీరామ్ (Sid Sriram) స్వరంను సంగీత ప్రియులు ఎంతగా ఇష్టపడతారో ప్రత్యేకంగా చెప్పనవసరం లేదు. ఆయన పాడిన ప్రతి పాట ఒక బ్లాక్ బస్టర్‌గా నిలిచింది. ముఖ్యంగా “శ్రీవల్లి” పాటతో పుష్ప-1కు (Pushpa) మంచి క్రేజ్ తీసుకొచ్చాడు. అయితే ఇటీవల సిద్ శ్రీరామ్ పాటలు పెద్దగా వినిపించడం లేదు. కొత్త ప్రాజెక్టులలో ఆయన పాటల గాత్రం లేకపోవడం సంగీత ప్రియుల్లో చర్చనీయాంశమైంది. హైదరాబాద్‌లో ఫిబ్రవరి 15న జరగబోయే సిద్ శ్రీరామ్ లైవ్ కన్సర్ట్ సందర్భంగా, ఈ అంశంపై ఆయన స్పందించారు.

Sid Sriram

“మ్యూజిక్ డైరెక్టర్స్ అవకాశం ఇస్తేనే పాడతా,” అంటూ సిద్ సింపుల్ గా ఒక వివరణ ఇచ్చారు. పుష్ప-2లో (Pushpa 2) శ్రీవల్లి వంటి సెన్సేషనల్ సాంగ్ తర్వాత కూడా తనకు ఆఫర్ రాకపోవడంపై, “దాని గురించి దేవి శ్రీ ప్రసాద్‌నే (Devi Sri Prasad) అడగాలి,” అని పేర్కొన్నారు. సిద్ స్వరానికి ఉన్న క్రేజ్‌తో రెమ్యునరేషన్ పెరిగిందని, అందుకే కొంతమంది ఆయనను దూరంగా పెడుతున్నారని టాక్ ఉంది. గతంలో ఆయన ఒక్క పాటకు 6 లక్షలు తీసుకున్నట్లు టాక్ వచ్చింది.

ఇక లేటెస్ట్ ఇంటర్వ్యూలో సిద్ శ్రీరామ్ తెలుగు మాట్లాడడం కూడా పెద్ద ఆశ్చర్యం కలిగించింది. పాటలను స్పష్టంగా పాడుతున్న ఆయనకు తెలుగు పెద్దగా రాదన్న విషయమైతే అభిమానులకు కొత్తగా అనిపించింది. “మీరు ఎలా ఉన్నారు?” “నేను బాగున్నాను” వంటి ప్రాథమిక మాటలే ఆయన చాలా కష్టంతో చెప్పగలిగారు. పాటలు పాడేటప్పుడు తెలుగు లిరిక్స్ తనకు రాయించి వాటి ఆధారంగా పాడతానని ఆయన చెబుతున్నారు. సిద్ శ్రీరామ్ పాడే ప్రతి పాట సంగీత ప్రియుల గుండెల్లో ప్రత్యేక స్థానం సంపాదించుకుంటుంది.

ఇది భాషతో సంబంధం లేకుండా, ఆయన గాత్ర మాధుర్యానికి మద్దతుగా నిలుస్తోంది. ఇటీవల కొత్త పాటలు పెద్దగా పాడని ఆయన, లైవ్ కన్సర్ట్ ద్వారా తన అభిమానులను మరింత దగ్గర చేసుకోవాలని చూస్తున్నారు. ఫిబ్రవరి 15న జరగబోయే ఈ లైవ్ కన్సర్ట్‌పై తెలుగు ఆడియన్స్‌లో భారీ అంచనాలున్నాయి. ఈ ప్రదర్శనతో సిద్ శ్రీరామ్ మరింతగా ప్రేక్షకుల హృదయాలను గెలుచుకుంటారనడంలో సందేహమే లేదు. మరి కన్సర్ట్ తర్వాత ఆయన ఎలాంటి అవకాశాలు అందుకుంటారో చూడాలి.

కాంతరా ఫ్రీక్వెల్ లో వోల్టేజ్ సీక్వెన్స్.. నెవ్వర్ బిఫోర్ అనేలా..!