పవర్ స్టార్ పవన్ కళ్యాణ్ (Pawan Kalyan) హీరోగా తెరకెక్కిన ‘హరిహర వీరమల్లు’ (Hari Hara Veera Mallu) సినిమా రిలీజ్ అవ్వడానికి ఎన్నో ఒడిదుడుకులు ఎదుర్కొంటోంది. సినిమా దాదాపు 5 ఏళ్ళ నుండి సెట్స్ పైకి ఉంది. కోవిడ్ తో పాటు రాజకీయాల్లో పవన్ కళ్యాణ్ బిజీగా ఉండటం వల్ల సకాలంలో షూటింగ్ కంప్లీట్ అవ్వలేదు. కోవిడ్ వల్ల చాలా సినిమాల షూటింగ్లకి ఇలాగే జరిగింది. తర్వాత పవన్ కళ్యాణ్ ఈ సినిమాకి డేట్స్ ఇవ్వడం జరిగింది. కానీ నిర్మాత ఆ టైంలో ఆర్థిక ఇబ్బందుల్లో ఉండి షూటింగ్ నిర్వహించలేదు.
దీంతో పవన్ కళ్యాణ్ డేట్స్ వేస్ట్ అయిపోయాయి. కానీ చాలా మందికి ఈ విషయం తెలియక.. రాజకీయాల్లోకి వెళ్ళాక పవన్ నిర్మాతలకి అన్యాయం చేస్తున్నారు అంటూ నెగిటివ్ కామెంట్లు చేశారు. అంతేకాదు మొత్తానికి పవన్ కళ్యాణ్ బల్క్ డేట్స్ ఇచ్చి.. సినిమాని కంప్లీట్ చేశారు. ఈసారి కూడా మధ్యలో చాలా సమస్యలు వచ్చి పడ్డాయి. అయినా సరే పవన్ షూట్ కి వచ్చారు కంప్లీట్ చేశారు.
జూన్ 12న రిలీజ్ డేట్ అని అనౌన్స్ చేశారు. కానీ ఎటొచ్చి వీఎఫ్ఎక్స్ వర్క్ ఇంకా కంప్లీట్ అవ్వలేదు. దీంతో మళ్ళీ వాయిదా వేయాలని అనుకుంటున్నారు మేకర్స్. కానీ బయటకి ఇష్యు వేరేలా ప్రోజెక్ట్ అవుతుంది. సినిమాకి బిజినెస్ జరగడం లేదని, బడ్జెట్ పెరిగిపోవడంతో నిర్మాత ఫైనాన్సియల్ క్లియరెన్సులు చేయలేకపోతున్నారని.. కొంతమంది చెప్పుకుంటున్నారు.
ఇది తెలుసుకుని పవన్ కళ్యాణ్ వెంటనే స్పందించి.. తనకు ఇచ్చిన అడ్వాన్స్ లో రూ.11 కోట్లు వెనక్కి ఇచ్చేయడం జరిగింది. అయినా సరే ‘హరిహర వీరమల్లు’ పై అలాగే పవన్ కళ్యాణ్ పై విమర్శలు ఆగడం లేదు. ఒక సినిమాకి హీరో ఇంతకంటే ఏం చేస్తాడు? అది సామాన్యులకి అర్ధమయ్యేది కాదు కదా.
Home