ఒకప్పుడు హయ్యస్ట్ రెమ్యునరేషన్ తీసుకున్న హీరోగా రికార్డులు సృష్టించిన పవన్ కళ్యాణ్ (Pawan Kalyan).. ఇప్పుడు తన ధ్యాస మొత్తం రాజకీయాల మీదే పెట్టడంతో, సినిమాలకు దూరంగా ఉండాల్సి వస్తుంది. దాంతో పవన్ హీరోగా మొదలుపెట్టిన సినిమాలన్నీ ఎక్కడి పనులు అక్కడే ఆగిపోయాయి. ఇలా పవన్ కళ్యాణ్ రాజకీయ పరిమితుల కారణంగా ఎక్కువగా ఇబ్బందిపడిన సినిమా “హరిహర వీరమల్లు”.
దాదాపు అయిదేళ్లపాటు పోస్ట్ పోన్ అయిన ఈ సినిమా, ఎట్టకేలకు జూన్ 12న విడుదలవుతుంది అనుకుంటే.. ఆఖరి నిమిషంలో సీజీ వర్క్ కంప్లీట్ అవ్వదని గ్రహించి జూలైకి పోస్ట్ పోన్ చేశారు. దాంతో ఏ.ఎం.రత్నం మీద మరో పెద్ద పిడుగు పడినట్లయింది. అయితే.. ఇన్నాళ్లుగా ఏ.ఎం.రత్నం మరో సినిమా వైపు వెళ్లకుండా, హరిహర వీరమల్లునే అంటిబెట్టుకుని ఉన్నారు. అందుకే, పవన్ కళ్యాణ్ తనను నమ్ముకున్న నిర్మాత ఆల్రెడీ నష్టాల్లో ఉన్నాడని గ్రహించిన పవన్ కళ్యాణ్ (Pawan Kalyan).. “హరిహర వీరమల్లు” సినిమాకు రెమ్యూనరేషన్ తీసుకోవడం లేదని తెలుస్తోంది.
మాములుగా అయితే ఇంచుమించు 75 కోట్ల రూపాయల రెమ్యునరేషన్ తీసుకొనే పవన్ కళ్యాణ్, ఈ సినిమా కోసం 50 కోట్లు మాత్రమే చార్జ్ చేయగా.. అడ్వాన్స్ గా 10 కోట్ల రూపాయలు తీసుకున్నాడు. ఇప్పుడు ఆ అడ్వాన్స్ వెనక్కి ఇవ్వనున్నాడని తెలుస్తోంది. ఒకరకంగా ఏ.రత్నంకి ఇది పెద్ద ఊరట. చాలా భారీ మొత్తం బడ్జెట్ పెట్టిన రత్నంకు ఇప్పటివరకు ఏ విధంగానూ రిటర్న్స్ వర్కవుట్ అవ్వలేదు.
అటు ఓటీటీ కానీ, ఇటు థియేటరికల్ కానీ ఆశించిన స్థాయి బిజినెస్ జరగలేదు. అన్నిటికీ మించి సినిమాకి ఎందుకో ఆశించిన స్థాయి హైప్ రావడం లేదు. విడుదలైన కొన్ని పాటలు కూడా అభిమానుల్ని ఆకట్టుకోలేకపోయాయి. మరి ప్రీరిలీజ్ ఈవెంట్ లేదా ట్రైలర్ సినిమా మీద అంచనాలను ఏమైనా నమోదు చేయగలదా అనేది చూడాలి. అలాగే.. సినిమా కొత్త రిలీజ్ డేట్ ఏంటి అనేది కూడా తెలియాల్సి ఉంది.
Home