మూడు గంటల పాటు ప్రేక్షకులకు వినోదాన్ని పంచడానికి నిర్మాతలు, దర్శకులు, క్యాస్ట్ అండ్ క్రూ పడే కష్టాలు వర్ణనాతీతం. కాళ్లూ చేతులు విరిగినా సరే అనుకున్న ఔట్‌పుట్ వచ్చే వరకు కష్టపడే నటీనటులు భారతీయ చిత్ర పరిశ్రమలో ఎందరో. ఈ సాహసాలతో ప్రాణాలు పోగొట్టుకున్న వారు, అంగ వైకల్యంతో మిగిలిన వారికి లెక్కలేదు. సినిమా కోసం చేసిన త్యాగాలు దుష్ప్రభావాలు గా మారి కెరీర్ కోల్పోయిన వారు ఉన్నారు.
‘సైజ్ జీరో’ (Size Zero) సినిమా కోసం విపరీతంగా బరువు పెరిగిపోయిన అనుష్క (Anushka Shetty).. ఆ బరువును ఎలా తగ్గించుకోవాలో తెలియక సతమతమవుతున్నారు. సినిమాల కోసం చేసుకున్న కొన్ని అలవాట్లు కూడా నటీనటులను జీవితాంతం వెంటాడుతూనే ఉన్నాయి. ఇలాంటి ఓ వ్యసనానికి బానిస అయ్యింది ఓ బాలీవుడ్ స్టార్ హీరోయిన్ విద్యాబాలన్. ఆమె మరెవరో కాదు విద్యాబాలన్ (Vidya Balan). కథ డిమాండ్ చేస్తే ఎంతటి కష్టానికైనా వెనుకాడదు విద్య. హిందీతో పాటు తెలుగు, తమిళ భాషల్లోనూ నటించిన విద్యాబాలన్ కెరీర్‌లో ‘ది డర్టీ పిక్చర్‌’ ది కీలకపాత్ర.
అప్పటివరకు అందాల ఆరబోతకు, గ్లామరస్ రోల్స్‌కు కేరాఫ్‌గా నిలిచిన విద్యాబాలన్‌లోని నటిని బయటకు తీసింది ఈ సినిమా. 1980, 90 దశకాలలో దక్షిణాది చిత్ర పరిశ్రమను తన అంద చందాలతో, మత్తెక్కించే చూపులతో మాస్‌ను ఊపేసిన సిల్క్ స్మిత జీవిత కథ ఆధారంగా ఈ సినిమాను తెరకెక్కించారు.2010లో వచ్చిన ‘ది డర్టీ పిక్చర్‌’ లో సిల్క్ స్మిత రోల్‌ను విద్యాబాలన్ పోషించారు. ఈ పాత్రలోకి పరకాయ ప్రవేశం చేసిన విద్య తన అద్భుత నటనతో ప్రేక్షకులను మెస్మరైజ్ చేసింది.
అయితే ఈ చిత్రంలో విద్యాబాలన్ చైన్ స్మోకర్‌గా కనిపించడంతో పాటు దాదాపు 12 కిలోల వరకు బరువు పెరిగింది. షూటింగ్‌లో కేవలం 2 గంటల షార్ట్ గ్యాప్‌లో ఏకంగా 15 సిగరెట్లు తాగింది. సినిమా రిలీజై బ్లాక్‌బస్టర్‌గా నిలిచిన తర్వాత కూడా సిగరేట్ తాగే అలవాటు పోలేదని విద్యాబాలన్ ఓ ఇంటర్వ్యూలో చెప్పుకొచ్చింది. అయితే కేవలం రోజుకు 3 సిగరెట్లు మాత్రమే తాగుతున్నట్లు చెప్పింది.
Home
