ఒకసారి విడుదల వాయిదా పడితే పోస్ట్ పోన్ అంటారు. అదే మరోసారి వాయిదా పడితే రీపోస్ట్ పోన్ అంటారు.. పదే పదే వాయిదా పడితే ఏమంటారు? ఏమో దీనికైతే పేరు లేదు కానీ.. ఇలాంటి పరిస్థితిని ఎదుర్కొంటున్న టాలీవుడ్ సినిమాల్లో ‘కింగ్డమ్’ (Kingdom) చేరబోతోందా? అవుననే అంటున్నాయి టాలీవుడ్ వర్గాలు. ఇప్పటికే ‘హరి హర వీరమల్లు’ సినిమా వాయిదాలతో ఇండస్ట్రీకి తలనొప్పిగా మారగా.. ‘కింగ్డమ్’ (Kingdom) ఆ సినిమా సరసన చేరబోతోంది అనిపిస్తోంది. ఎందుకంటే మొన్నీమధ్య చెప్పినట్లు జులై 4న సినిమా వచ్చే పరిస్థితి కనిపించడం లేదు అంటున్నారు.
ఎప్పుడో మార్చి నుండి జూలై దాకా వరుస వాయిదాలు వేసుకుంటూ వస్తున్నారు ‘కింగ్డమ్’ (Kingdom) దర్శకుడు గౌతమ్ తిన్ననూరి (Gowtham Tinnanuri) , నిర్మాత నాగవంశీ (Naga Vamsi). ప్రతిసారి కాన్ఫిడెంట్గా కొత్త డేట్ ఇచ్చి కచ్చితంగా వస్తున్నాం, అదరగొడుతున్నాం అని అయితే చెబుతున్నారు. రీసెంట్గా జులై 4కి సినిమాను వాయిదా వేసినప్పుడు పహల్గామ్ నేపథ్యంలో భారత్ – పాకిస్థాన్ ఉద్రిక్తతలను ఓ కారణంగా చెప్పుకొచ్చారు. అయితే ఏది అసలు కారణం అనేది సినిమా టీమ్కే తెలుసు.
ఇప్పుడు మరోసారి సినిమా వాయిదా పక్కా అని చెబుతున్నారు.ఈసారి అసలు కారణం చెబుతారో లేదో కానీ.. ‘కింగ్డమ్’ (Kingdom) ను జులై 4కి తెచ్చే ఛాన్స్ లేదంటున్నారు. ఎందుకంటే రీసెంట్గా రీషూట్ చేసిన సీన్స్కి బ్యాగ్రౌండ్ స్కోర్ సిద్ధం కాలేదు అని సమాచారం. ‘కూలి’ (Coolie) సినిమా పనులలో అనిరుథ్ (Anirudh Ravichander) బిజీగా ఉండటంతో ఈ సినిమాకు ఇప్పుడు టైమ్ ఇచ్చే పరిస్థితి లేదు అని చెబుతున్నారు. దీంతో మరోసారి సినిమా పోస్ట్ పోన్ చేస్తారట.
దీని కోసం జులై మూడు లేదా ఆఖరి వారాన్ని ఎంచుకునే ఆలోచనలో ఉన్నారట. ఎందుకంటే పెద్ద సినిమాలతో ఆగస్టు బిజీగా ఉంది.వాయిదా అని ఎలా ఫిక్స్ అయ్యారు అని అడుగుదాం అనుకుంటున్నారా? అంత పెద్ద పాన్ ఇండియా సినిమాను, అందులో ప్రచారంలో ‘కొత్త’ పుంతలు తొక్కే విజయ్ దేవరకొండ (Vijay Deverakonda) సినిమా ప్రచారం ఇంకా స్టార్ట్ చేయలేదు అంటే ఏదో ఇబ్బంది ఉన్నట్లే కదా.
