Sai Pallavi: సాయిపల్లవి ఆ ఆఫర్లకు ఒప్పుకోరా?

ఇతర హీరోయిన్లకు భిన్నంగా కథలు, పాత్రలను ఎంపిక చేసుకుంటూ సాయిపల్లవి విజయాలను అందుకుంటున్నారనే విషయం తెలిసిందే. తమిళనాడులోని చిన్న గ్రామంలో జన్మించిన సాయిపల్లవి చిన్నప్పటి నుంచే మంచి డ్యాన్సర్ కావడం గమనార్హం. సాయిపల్లవి తండ్రి డ్యాన్సర్ కాగా ధూం ధాం అనే సినిమాతో సాయిపల్లవి సినిమాల్లోకి ఎంట్రీ ఇచ్చారు. ఈటీవీలో ప్రసారమైన ఢీ డ్యాన్స్ షో సాయిపల్లవికి డ్యాన్సర్ గా మంచి పేరును తెచ్చిపెట్టింది. ఆ తరువాత మలయాళంలో తెరకెక్కిన ప్రేమమ్ సినిమా సాయిపల్లవికి పేరుతో పాటు గుర్తింపును తెచ్చిపెట్టింది.

ఫిదా సినిమాతో తెలుగులోకి ఎంట్రీ ఇచ్చిన సాయిపల్లవి ఇక్కడ కూడా తొలి సినిమాతోనే బ్లాక్ బస్టర్ హిట్ ను సొంతం చేసుకున్నారు. ఒక విధంగా ఫిదా సక్సెస్ కావడానికి సాయిపల్లవి కారణమని చెప్పవచ్చు. ఆ తర్వాత సాయిపల్లవి ఎంసీఏ, పడిపడి లేచే మనసు, లవ్ స్టోరీ సినిమాలలో నటించారు. లవ్ స్టోరీ సినిమాను సాయిపల్లవి కోసం చూడవచ్చనే కామెంట్లు ప్రేక్షకుల నుంచి వినిపిస్తున్నాయి. అయితే తెలుగులో స్టార్ హీరోలకు జోడీగా సాయిపల్లవి నటించడం లేదు.

రొటీన్ హీరోయిన్ పాత్రల్లో సాయిపల్లవి నటించరనే సంగతి తెలిసిందే. అయితే సాయిపల్లవికి స్టార్ హీరోలకు జోడీగా నటించే ఛాన్స్ రావడం లేదా? లేక సాయిపల్లవి వచ్చిన ఆఫర్లను రిజెక్ట్ చేస్తున్నారా? అనే ప్రశ్నలకు సమాధానం తెలియాల్సి ఉంది. మరోవైపు కథ, పాత్రలో వైవిధ్యం లేకపోతే సాయిపల్లవి ఒప్పుకోరని ప్రచారం జరుగుతోంది. తమిళంలో స్టార్ హీరోల సరసన నటించిన సాయిపల్లవి తెలుగులో స్టార్ హీరోలకు జోడీగా నటించకపోవడానికి కారణం తెలియాలంటే మరికొన్ని రోజులు ఆగాల్సిందే.

లవ్ స్టోరీ సినిమా రివ్యూ & రేటింగ్!

Most Recommended Video

హిట్ టాక్ వచ్చిన తర్వాత ఈ 10 సినిమాల్లో సీన్స్ లేదా సాంగ్స్ యాడ్ చేశారు..!
‘బిగ్ బాస్5’ ప్రియాంక సింగ్ గురించి ఆసక్తికరమైన విషయాలు..!
ఇప్పటవరకూ ఎవరు చూడని ‘బిగ్ బాస్5’ విశ్వ రేర్ ఫోటో గ్యాలరీ!

Share.